Yfir 250 tyrkneskir embættismenn og fjölskyldur þeirra hafa sótt um pólitískt hæli í Þýskalandi. Þýsk stjórnvöld greina frá þessu í dag en um er að ræða starfsmenn stjórnarráðs Tyrklands og sendifulltrúa.

Af hælisuppsóknum kom 151 frá Tyrkjum sem eru með diplómata-vegabréf. 111 umsóknir um hæli frá fólki sem er með vegabréf sem gefin eru út til starfsmanna stjórnarráðsins. Ekki kemur fram hversu margir þeirra eru í tyrkneska hernum og starfa í herstöðvum NATO erlendis.

Talsmaður innanríkisráðuneytis Þýskalands segir að hver umsókn sé skoðuð fyrir sig og ákvörðun tekin í hverju tilviki að teknu tilliti til gildandi laga.

Umsóknum um pólitískt hæli frá Tyrklandi hefur fjölgað mjög í Þýskalandi frá valdaránstilrauninni í júlí en yfir 100 þúsund voru handteknir í Tyrklandi eða reknir úr starfi þar í landi í kjölfarið. 

Mótmælendur í Tyrklandi. AFP

Tengdar fréttir

Tyrkland

Tyrkir vilji hleypa nýju pólitísku andrúmslofti inn

• Átök í Tyrklandi á kjördag
• Erdogan ýjar að starfslokum sínum
• Myndskeið: Erdogan syngur fyrir aðdáendur
• Staðfestir sigur Erdogans

» Fleiri tengdar fréttir

• Blogga um frétt