Lögreglan í Stokkhólmi hefur lýst eftir manni í tengslum við árásina í borginni fyrr í dag. Maðurinn er klæddur svartri hettupeysu og grænum jakka.

Vefur Expressen hefur birt myndina af manninum. Hún var einnig birt á blaðamannafundi sænsku lögreglunnar, þar sem óskað var eftir upplýsingum um hann. Myndin var tekin í dag.

Lögreglan segir að ökumaður vöruflutningabílsins hafi ekki verið handtekinn, samkvæmt AFP-fréttastofunni. 

 „Við höfum ekki náð sambandi við ökumanninn,“ sagði lögreglustjórinn Dan Eliasson á blaðamannafundinum. „Það er mikilvægt að ná sambandi við hann," bætti hann við og hvatti almenning til að veita lögreglunni aðstoð. 

„Það er enginn í varðhaldi núna,“ bætti Jan Evensson hjá lögreglunni í Stokkhólmi við.

Hann hvatti almennings jafnframt til þess að aka ekki inn í miðborg Stokkhólms.

Á vef Aftonbladet má sjá myndskeið sem var tekið þegar árásin var gerð.