Twitter hætt við málaferli gegn Bandaríkjastjórn
Setja bókamerki
Forsvarsmenn samfélagsmiðilsins Twitter hafa hætt við málaferli gegn bandarískum stjórnvöldum, eftir að embættismenn bandarískra alríkisstofnanna hættu við að krefjast þess að Twitter gæfi upp auðkenni þeirra notenda sem hafa gagnrýnt Donald Trump og stjórn hans.
Greint var frá því í gær að Twitter hefði verið beðið um að gefa upp auðkenni, notanda eða notenda @ALT_USCIS. Síðunni er haldið úti af einstaklingum sem segjast vera starfsmenn bandaríska landamæraeftirlitsins. Hafa færslurnar sem þar eru birtar verið mjög gagnrýnar í garð nýja forsetans.
Forsvarsmenn Twitter höfnuðu beiðninni og sögðu hana brjóta í bága við málfrelsisgrein stjórnarskrárinnar.
Fréttavefur BBC hefur eftir starfsmanni bandaríska dómsmálaráðuneytisins að sú beiðni hafi nú verið afturkölluð.
Shakespeare fannst í skókassa
Gígbarmurinn hækkað frá því í gær
„Það þarf að vinna mikinn fjölda upp“
Handteknir eftir myndatöku í Vesturbæjarlaug
Telur forsendur fyrir vaxtalækkun