Bandaríkin í hryðjuverkaleik í Sýrlandi

Donald Trump Bandaríkjaforseti sagði myndir af kvölum fórnarlamba efnavopnaárásarinnar í ...
Donald Trump Bandaríkjaforseti sagði myndir af kvölum fórnarlamba efnavopnaárásarinnar í Khan Sheikhun hafa „verulega mikil áhrif“ á sig. AFP

Bandarísk stjórnvöld eru í „hryðjuverkaleik“ í Sýrlandi. Þetta sagði Sergei Lavrov, utanríkisráðherra Rússlands, er hann ræddi við Rex Tillerson, utanríkisráðherra Bandaríkjanna, í síma í dag.

Er þetta í fyrsta skipti sem utanríkisráðherrarnir ræðast við, eftir að Bandaríkjaher gerði árás á sýrlenska herstöð á aðfaranótt föstudags.

„Ríki sem berst gegn hryðjuverkum er í hryðjuverkaleik,“ sagði Lavrov við Tillerson og varaði hann við því að með þessu yrðu til öryggisógnir á alþjóðaskala, sem og á staðbundnari svæðum.

Lavrov ítrekaði þá afstöðu Rússa að ásakanir, um að sýrlenski stjórnarherinn hefði staðið að efnavopnaárás á bæinn Khan Sheikhun í Idlib-héraði í vikunni, „væru ekki í ætt við raunveruleikann“.

„Ríki sem berst gegn hryðjuverkum er í hryðjuverkaleik,“ sagði Sergei ...
„Ríki sem berst gegn hryðjuverkum er í hryðjuverkaleik,“ sagði Sergei Lavrov, utanríkisráðherra Rússlands. AFP

Bandaríkjaher skaut 59 flugskeytum af herskipi á Miðjarðarhafninu á Shayrat-herstöðina í nágrenni Homs aðfaranótt föstudags. Daginn áður hafði Donald Trump Bandaríkjaforseti sagt að myndir af kvölum fórnarlamba efnavopnaárásarinnar í Khan Sheikhun hefðu „verulega mikil áhrif“ á sig.

Símtal þeirra Lavrovs og Tillerson í dag var fyrsta samtal erindreka stjórna ríkjanna frá því að árásin var gerð á sýrlensku herstöðina.

Tillerson er á leið til Moskvu á þriðjudag til funda með ráðamönnum og hefur AFP-fréttastofan eftir Mariu Zakharova, talskonu rússneska utanríkisráðuneytisins, að rússnesk stjórnvöld búist við að Tillerson veiti þeim þá „skýringar“ á árásinni á herstöðina.   

Tillerson sagði hins vegar í gær að viðbrögð Rússa yllu honum vonbrigðum, af því að þau gæfu til kynna áframhaldandi stuðning þeirra við stjórn Bashar al-Assads Sýrlandsforseta.

mbl.is

Bloggað um fréttina

Frá Sýrlandi til Evrópu - Greinaflokkur

BEYGJANLEGUR HARÐVIÐUR
T.d. á hringstiga og annað bogið, http://www.youtube.com/watch?v=Xh2eO_RaxnQ www...
Antík sófi, 100 ára, 100% eintak
Sófinn er óaðfinnanlegur í útliti. Mesta lengd : 130 cm Mesta dýpt : 64 c...
Stúdíóíbúð í Ártúnsholti
Til leigu 23 m² stúdíóíbúð í Ártúnsholtinu. Íbúðin er herbergi með eldhúskrók og...
ALLT MILLI HIMINS OG JARÐAR !!!!!!!!!!
NOTAÐ&NÝTT er ný verslun á Skemmuvegi 6 á bak við BYKO. Mikið úrval af fallegum ...
 
Framhald uppboðs
Nauðungarsala
Uppboð Einnig birt á www.naudungarsolu...
Háseti
Sjávarútvegur
Háseti Vísir hf óskar eftir a...
Vélavörður
Sjávarútvegur
Vélavörður Vísir hf. óskar ef...
Eldri borgarar
Staður og stund
Árskógar 4 Opin smíðastofa kl. 9-16. Opi...