Drógu öskrandi mann úr fullri vél

Þrír lögreglumenn voru kallaðir til og drógu þeir manninn úr ...
Þrír lögreglumenn voru kallaðir til og drógu þeir manninn úr vélinni. Skjáskot/Twitter

Bandaríska flugfélagið United Airlines hefur verið harðlega gagnrýnt á samfélagsmiðlum í dag eftir að farþega í einni flugvél félagsins var vísað úr vélinni í gær vegna þess að of margir farþegar voru um borð.

Flugfélagið segir að það hafi beðið sjálfboðaliða að yfirgefa vélina sem var á leið til Louisville í Kentucky frá Chicago. Kalla þurfti eftir aðstoð lögreglu eftir að farþegi neitaði að yfirgefa vélina.

Farþegum var tjáð að fjórir farþegar þyrftu að yfirgefa vélina vegna þess að fjórir starfsmenn United Airlines þyrftu að að fljúga með vélinni. Enginn farþegi bauðst til þess að stíga frá borði, þrátt fyrir boð um 800 bandaríkjadali. 

Farþegar fengu þá að vita að tölva myndi velja fjóra farþega af handahófi sem yrðu að yfirgefa vélina. Maður var valinn en hann neitaði og sagðist vera læknir sem þyrfti að hitta sjúkling daginn eftir. 

Myndskeið náðist af því þegar þrír lögreglumenn draga mann öskrandi út úr flugvélinni. „Guð minn góður, sjáið hvað þið gerðuð við hann,“ heyrðist annar farþegi öskra.

Fjölmargir hafa látið í ljós óánægju sína vegna atviksins á samfélagsmiðlum, til að mynda á Twitter og Facebook. 

Tyler Bridges, sem lét myndskeið af atvikinu á Twitter skrifaði: „Það er ekki farið vel með lækni sem er að reyna að fara í vinnu af því að það eru of margir í vélinni,“ skrifaði Bridges.

„Krakkar grétu,“ sagði Bridges.

„Einn viðskiptavinur neitaði að yfirgefa vélina og við þurftum að kalla eftir aðstoð,“ sagði talsmaður United Airlines, Charlie Hobart, við Chicago Tribune. „Við biðjumst afsökunar á því að það voru of margir bókaðir í vélina.“

mbl.is

Bloggað um fréttina

Frá Sýrlandi til Evrópu - Greinaflokkur

peningaskápur eldtraustur með nýjum talnalás
peningaskápur til sölu kr.48000,- uppl. 8691204 Br=58cm Hæð99 Dýpt 67 ...
Flugskýli til leigu Nú er úti norðanél
Flugskýli til leigu Nú er úti norðanél nú er Esjan hvít sem mél Ef að ég ættii ú...
VIÐHALD FASTEIGNA
Við þjónustum þig með lítil sem stór verk. Tímavinna eða tilboð. sími: 544-44...
STURTUKERRUR _ STURTUKERRUR
Sturtukerrur, rafdrifnar, fjarstýring, sturta aftur og til beggja hliða, hæð sk...
 
Félagsstarf
Staður og stund
Aflagrandi 40 Opin vinnustofa kl 9 og gö...
Framhald
Nauðungarsala
Uppboð Einnig birt á www.naudungarsolu...
Framhald uppboðs
Nauðungarsala
Uppboð Einnig birt á www.naudungarsolu...
Aðalfundur
Fundir - mannfagnaðir
Aðalfundur Aðalfundur Vör...