Alþjóðasamtök rannsóknarblaðamanna, fjölmiðlafyrirtækið McClatchy og Miami Herald fengu í dag Pulitzer-verðlaunin fyrir umfjöllun sína um Panamaskjölin.
Verðlaunanefndin gefur rannsókninni, sem tók ár að vinna, lof fyrir að notast við samvinnu fleiri en þrjú hundruð blaðamanna í sex heimsálfum til að afhjúpa hulda innviði og stórt hlutverk skattaskjóla.
Rannsóknin afhjúpaði aflandsfélög sem tengd voru fleiri en 140 stjórnmálamönnum í rúmlega 50 löndum, þar á meðal 14 fyrrverandi eða núverandi þjóðarleiðtogum.