Segja fyrirsætuna hafa verið myrta

Raudha Athif var þekkt sem stúlkan með hafbláu augun.
Raudha Athif var þekkt sem stúlkan með hafbláu augun.

Foreldrar fyrirsætunnar Raudha Athif segja ekki rétt að hún hafi framið sjálfsvíg. Þeir telja ljóst að hún hafi verið myrt. Athif var m.a. þekkt fyrir að sitja fyrir í Vogue. Hún var tvítugur læknanemi og fædd á Maldív-eyjum.

Í ástralska dagblaðinu Daily Telegraph segir að Athif hafi fundist hengd á heimavist skólans síns í Bangladess þann 29. mars. Samnemendur hennar komu að líki hennar og kölluðu til lögreglu, að því er fram kemur í dagblaðinu The Daily Star.

Frétt mbl.is: Vogue-fyrirsæta svipti sig lífi

Mörgum þótti það ekki geta staðist að þessi unga og glaðlynda kona hefði svipt sig lífi. Í þeim hópi eru foreldrar hennar. Faðir hennar, læknirinn Mohammed Athif, efast um að dóttir sín hafi framið sjálfsmorð og bróðir hennar telur að hún hafi verið myrt og sjálfsvígið sviðsett.

„Raudha var hamingjusöm og átti framtíðina fyrir sér, bæði í námi og starfi. Hún var vinarleg og full af lífi. Vinum hennar og ættingjum finnst óhugsandi að hún hafi tekið eigið líf,“ segir bróðirinn Rayyan Athif. Hann segir að mörg sambærileg mál hafi komið upp í Bangladess þar sem öfgafullir íslamistar hafi drepið fólk og látið það líta út eins og sjálfsvíg.

Hann telur að systir sín, sem var múslimi, hafi orðið skotmark þessara manna þar sem hún var opinber persóna sem varði fólk sem hafði orðið fyrir áreiti vegna trúar sinnar. „Raudha var sterk kona, hún lét ekki segja sér fyrir verkum og stóð með sjálfri sér og öðrum.“

Hann segir systur sína hafa verið gagnrýnda fyrir að ganga í gallabuxum og að henni hafi ítrekað verið bannað að klæðast síkum fatnaði í skólanum sínum. Hún hafði hins vegar fallist á að vera með blæju í skólanum sem huldi andlit hennar. 

Lögreglan rannsakar málið betur

Fjölskyldan telur að Raudha hafi verið kyrkt en ekki hengt sig. Lögreglan segir að samnemendur hennar hafi brotist inn í herbergið því það hafi verið læst að innanverðu. Fjölskyldan segir þetta ekki rétt og að engin ummerki sé um slíkt innbrot.

Yfirvöld á Maldív-eyjum hafa sent fulltrúa sína til Bangladess að fara yfir gögn málsins eftir efasemdir fóru að heyrast um að hún hefði fyrirfarið sér og að fjölskyldan fór að saka lögregluna í Bangladess um að spilla sönnunargögnum. Fastar hefur nú verið tekið á rannsókn málsins og segir lögreglan í Bangladess nú að „50% líkur“ séu á því að hún hafi ekki framið sjálfsvíg.

Viku áður en Raudha fannst látin handtók lögreglan 29 menn í skólanum hennar sem tilheyrðu öfgasamtökunum Chhatra Shibir. Lagði lögreglan m.a. hald á áróðursbæklinga sem þeir voru með í sinni vörslu.

mbl.is

Frá Sýrlandi til Evrópu - Greinaflokkur

Gisting við Gullna hringinn..
Studio herb. með sérbaði og eldunaraðstöðu, heitur pottur utandyra, 6 mínútur fr...
Skrifstofuhúsnæði - hagstætt leiguverð.
Til leigu er 197 ferm. skrifstofuhúsnæði við Bíldshöfða. Skiptist í móttöku, fim...
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
 
Félagsstarf
Staður og stund
Árskógar Hádegismatur, mexíkanskur hakkr...
Vélavörður
Sjávarútvegur
Vélavörður Vísir hf. óskar ef...
Félagsstarf
Staður og stund
Árskógar 4 Opið hús kl. 13-16. Félagssta...
Háseti
Sjávarútvegur
Háseti Vísir hf óskar eftir a...