Hleruðu ráðgjafa Trumps
Setja bókamerki
Alríkislögreglan í Bandaríkjunum, FBI, fékk síðasta sumar heimild með leynd til að fylgjast með samskiptum ráðgjafa Donalds Trump í kosningabaráttunni. Var um að ræða hluta af rannsókn á meintum tengslum milli Rússa og þeirra sem stóðu að kosningabaráttunni.
Þetta kemur fram í frétt Washington Post í dag.
FBI og dómsmálaráðuneytið fengu dómsúrskurð sem gaf lögreglunni færi á að fylgjast með samskiptum Carters Page. Hafði FBI þá sannfært dómara um að það væru meiri líkur en minni á að Page væri á mála hjá erlendu ríki, í þessu tilviki Rússlandi.
Í frétt Washington Post kemur fram að þetta sé ein helsta sönnun þess hingað til að FBI hafi haft ástæðu til að ætla að ráðgjafi úr teymi Trumps hefði verið í samskiptum við Rússa meðan á kosningabaráttunni stóð síðasta sumar. Þessi tengsl eru nú til enn frekari rannsóknar sem snýr að því að upplýsa hvort Rússar hafi haft áhrif með einhverjum hætti á úrslit kosninganna.
Í frétt Washington Post segir að Page hafi ekki verið sakaður um neitt glæpsamlegt og alls óvíst er hvort dómsmálaráðuneytið muni ákæra hann fyrir meint tengsl við Rússa í kosningabaráttunni.
Í fréttinni kemur enn fremur fram að rannsókn FBI á meintum afskiptum Rússa af kosningabaráttunni hafi hafist í júlí.
Ítarlega frétt Washington Post um málið er að finna hér.
„Hvílir mikil leynd yfir þessu öllu“
„Það þarf að vinna mikinn fjölda upp“
Skar höfuðleðrið af íslenskri konu
„Umsátursástand“
Væri að ljúga ef ég segðist ekki stressaður
Krefjast stöðvunar framkvæmda
Tveir í bílnum sem lenti utan vegar
Sex hafa greinst með listeríu