„Rétta vopnið gegn rétta skotmarkinu“
Setja bókamerki
John Nicholson, hershöfðingi Bandaríkjahers í Afganistan, segir að „móðir allra sprengja“ sem var varpað á bækistöðvar Ríkis íslams í landinu í gær hafi verið „rétta vopnið gegn rétta skotmarkinu“.
„Óvinurinn var búinn að smíða neðanjarðarbyrgi, göng og koma jarðsprengjum fyrir á stóru svæði og þetta vopn var notað til þess að takast á við þessar hindranir til að við gætum haldið áfram okkar markmiðum í suðurhluta Nangarhar,“ sagði Nicholson á blaðamannafundi.
„Við höfum verið með umfangsmikið eftirlit á svæðinu, bæði fyrir og eftir árásina, og núna eru afganskir og bandarískir hermenn staddir þar og þeir sjá engin merki um að almennir borgarar hafi látist. Auk þess hafa engar fregnir borist annars staðar frá um dauðsföll almennra borgara,“ sagði hann.
„Við skulum hafa það á hreinu að við munum ekkert gefa eftir í markmiði okkar. Í því felst að berjast við hlið afganskra hermanna til að tortíma Ríki íslams í Afganistan árið 2017.“
Veiting hvalveiðileyfis ekki brot á EES-samningi
Vélsleðaslys: Þyrlan kölluð út á mesta forgangi
„Hvílir mikil leynd yfir þessu öllu“
Árshátíð ríkislögreglustjóra haldin í Tékklandi
Krefjast stöðvunar framkvæmda
Banna mengandi búnað sem leyfður er á Íslandi
Sex hafa greinst með listeríu
Skiptir miklu meira máli en fólk grunar