Forseti Tyrklands, Recep Tayyip Erdogan, hefur lýst yfir sigri í þjóðaratkvæðagreiðslu um breytingar á stjórnarskrá landsins. Formaður kjörstjórnar hefur staðfest að 51,36% hafi greitt atkvæði með breytingum en 48,64% hafi verið þeim andvígir.

Stuðningsmenn Erdogan fagna víða í Tyrklandi en hann segir að með þessu verði hægt að færa stjórnskipulag landsins í nútímalegt horf. Aðrir óttast að með þessu færist Tyrkland nær einræði en áður.

Á sama tíma og stuðningsmenn Erdogans fagna í flestum stærri borgum landsins þá ganga andstæðingar hans um götur Istanbul vopnaðir pottum og pönnum og mótmæla. Þrír voru skotnir til bana við kjörstað í Diyarbakir í dag.

Erdogan segir að ekkert komi í veg fyrir að halda aðra þjóðaratkvæðagreiðslu. Nú um hvort endurvekja eigi dauðarefsingar en Tyrkir aflögðu þær þegar þeir reyndu að ganga í Evrópusambandið. Ef slíkt frumvarp kemur frá þinginu muni hann samþykkja það en ef ekki er nægur stuðningur við að taka upp dauðarefsingar að nýju sé best að láta þjóðina greiða atkvæði þar um. 

Tengdar fréttir

Tyrkland

Tyrkir vilji hleypa nýju pólitísku andrúmslofti inn

• Átök í Tyrklandi á kjördag
• Erdogan ýjar að starfslokum sínum
• Myndskeið: Erdogan syngur fyrir aðdáendur
• Staðfestir sigur Erdogans

» Fleiri tengdar fréttir

• 1 blogg um fréttina

Bloggað um fréttina

• Sindri Karl Sigurðsson: Táknrænn dagur