Meirihluti Tyrkja í Evrópu sagði já

Mótmælendur koma saman í Istanbúl eftir að niðurstaða atkvæðagreiðslunnar lá ...
Mótmælendur koma saman í Istanbúl eftir að niðurstaða atkvæðagreiðslunnar lá fyrir. Meirihluti íbúa í stærstu borgum landsins hafnaði stjórnarskrárbreytingunni sem var samþykkt naumlega. AFP

Mikill meirihluti þeirra Tyrkja sem búsettir eru í Evrópu greiddu atkvæði með breytingu á stjórnarskrá Tyrklands. Þetta kemur fram á vef danska ríkisútvarpsins DR. Meirihluti íbúa í þremur stærstu borgum Tyrklands Ankara, Istanbúl og Izmir hafnaði hins vegar stjórnarskrárbreytingunni.

51,4% kjósenda samþykktu tillöguna, en 48,6% höfnuðu henni. Recep Tayyip Erdogan Tyrklandsforseti sagði úrslit kosninganna vera söguleg, en stjórnarskrárbreytingin eykur völd forsetans til muna frá og með árinu 2019 þegar breytingin á að öðlast gildi. Andstæðingar tillögunnar og stærsti stjórnarandstöðuflokkur landsins véfengja hins vegar úrslitin og krefjast endurtalningar.

Um 5% þeirra sem voru á kjörskrá búa utan Tyrklands, eða um 2,9 milljónir Tyrkja. Um helmingur þeirra býr í Þýskalandi og þar greiddu 63% atkvæði með stjórnarskrárbreytingunni. Í Austurríki sögðu um 73,5% kjósenda já og rúmlega 75% í Belgíu og 71% í Hollandi. Helst voru það þeir Tyrkir sem eru búsettir í Sviss sem vildu halda óbreyttu ástandi, en þar greiddu aðeins 38 prósent atkvæði með breytingunni.

Tyrknesk stjórnvöld sóttu það hart að fá að kynna stjórnarskrárbreytinguna fyrir Tyrkjum í Evrópu fyrr á þessu ári, en var synjað  um það af yfirvöldum í Þýskalandi og Hollandi. Erdogan stimplaði ráðamenn þar í landi í kjölfarið nasista.

Angela Merkel Þýskalandskanslari hvatti Erdogan, er úrslitin lágu fyrir, til að sýna „virðingu í samræðum“ við landsmenn sína.

mbl.is

Frá Sýrlandi til Evrópu - Greinaflokkur

HARÐVIÐUR TIL HÚSBYGGINGA
Harðviður til húsabygginga Sjá nánar á www.vidur.is Vatnsklæðning, panill, palla...
HARÐVIÐUR TIL HÚSBYGGINGA
Harðviður til húsabygginga Sjá nánar á www.vidur.is Vatnsklæðning, panill, palla...
Til Sölu: NISSAN TERRANO II jeppi 1995 kr. 175.000. Skoðun til mars 2018
Góð dísilvél keyrð 200 þ Bíll keyrður 328þ. Breytttur, nýleg 32 tommu IRONMAN ...
Vélstjóra vantar í afleysingar
Jakob Valgeir ehf, leitar að vélstjóra í afleysingar á Sirrý ÍS 36 frá 3 júlí f...
 
Samkoma
Félagsstarf
Samkoma kl. 20 í Kristniboðs- salnum. R...
Framhald
Nauðungarsala
Uppboð Einnig birt á www.naudungarsolu...
Félagstarf aldraðra
Staður og stund
Árskógum 4 Félagsstarfið er með opið í s...
Söluturn til sölu góður söluturn og sp
Til sölu
Söluturn Til sölu góður söluturn og ...