Danir vilja veiða áfram við Bretland

AFP

Dönsk stjórnvöld ætla að gera kröfu um að tryggt verði í fyrirhuguðum samningi á milli Bretlands og Evrópusambandsins úr úrsögn Breta úr sambandinu að danskir sjómenn geti áfram veitt í breskri efnahagslögsögu eins og áður.

Frá þessu er greint á fréttavef breska dagblaðsins Guardian. Þar segir að dönsk stjórnvöld hafi farið í gömul skjalasöfn til þess að finna sannanir fyrir því að Danir hafi stundað fiskveiðar við Bretland öldum saman. Markmiðið er að vísa til sögulegrar veiðireynslu í þessum efnum. Bresk stjórnvöld hafa lýst því yfir að þau ætli að endurheimta meðal annars yfirstjórn sína á eigin sjávarútvegsmálum sem til þessa hefur verið í höndum Evrópusambandsins.

Danskir embættismenn segja að 40% afla þarlendra sjómanna sé veiddur í breskri efnahgaslögsögu og ef lokað yrði á aðgang þeirra að lögsögunni hefði það alvarlegar afleiðingar fyrir þá og byggðalög sem byggi á sjávarútvegi. Mikilvægt sé því að tryggja að samningar náist um útgöngu Breta og að þar verði hagsmunir danskra sjómanna tryggðir.

Reiknað er með að önnur ríki innan Evrópusambandsins sem hagsmuna hafa að gæta vegna veiða í bresku efnahagslögsögunni muni setja fram sömu kröfur en áður hafði Evrópuþingið gert slíkt hið sama.

mbl.is

Frá Sýrlandi til Evrópu - Greinaflokkur

Kolaportið sjávarmegin-plötuportið.
Mikið úrval af ýmsum gömlum plötum Low, Pinups, Diamond Dogs, Aladin Sane, o.f...
EIGUM ALLSKONAR STIGA Á LAGER
Sjá: http://www.sogem-stairs.com/stairs/ladders/cottage Sími 848 3215 _ Svörum ...
Framlenging á brunn og lok og hringur
Framlegnging á 60 cm skolpbrunn, einnig brunnlok, þolir mikinn þunga og rammi eð...
Óska eftir tilboði -7 sæta Peugeot 807
Til sölu ágætur Peugot 807 2,0 7 sæta, sjsk strumpari. Hann er skoðaður 2018, ...
 
Félagsstarf
Staður og stund
Árskógar Hádegismatur, mexíkanskur hakkr...
Framhald uppboðs
Nauðungarsala
Uppboð Einnig birt á www.naudungarsolu...
Háseti
Sjávarútvegur
Háseti Vísir hf óskar eftir a...
Félagsstarf
Staður og stund
Árskógar Opin smíðastofa kl. 9-15. Opið ...