Segist ekki verða einræðisherra
Setja bókamerki
Recep Tayyip Erdogan, forseti Tyrklands, segir að áform hans um breytingar á stjórnskipan landsins þýði ekki að hann verði einræðisherra.
„Þetta kerfi tilheyrir ekki Tayyip Erdogan. Ég er dauðlegur maður, ég gæti dáið hvenær sem er,“ sagði Erdogan við bandarísku fréttastofuna CNN. „Er þess vegna mögulegt að búa til kerfi fyrir dauðlegan mann sem gæti dáið hvenær sem er? Þetta kerfi felur í sér breytingar á lýðræðislegri sögu Tyrklands.“
Tyrkir samþykktu í þjóðaratkvæðagreiðslu á sunnudaginn að breytingar verði gerðar á stjórnkerfi landsins, sem fela í sér aukin völd fyrir Erdogan.
„Þegar einræði ríkir þarftu í rauninni ekki að vera með forsetakerfi,“ sagði hann.
„Hérna erum við með kjörkassa [...] lýðræðið fær vald sitt frá fólkinu. Þetta köllum við þjóðarvilja.“
Þrátt fyrir að hann hafi unnið nauman sigur í þjóðaratkvæðagreiðslunni með áform sín, sagði Erdogan í viðtalinu að sigur væri sigur. „Ég kem úr knattspyrnuumhverfi. Það skiptir engu máli hvort þú vinnur 1-0 eða 5-0. Markmiðið er að vinna leikinn.“
Nauðgaði kærustu sinni og tók það upp
Ný staða uppi og óvissan meiri
Segjast ekki vera á kaldri slóð
Hyggjast leyfa fólki að skoða gosið
Sárt að horfa upp á illa meðferð fjármuna
„Búið að vera í dreifingu í einhvern tíma“
Færa slökkviliðið til nútímans
Gerir ráð fyrir 150 samningum í næstu viku