Bandaríkjafloti ekki á leið að Kóreuskaga

Herskip bandaríska flotans eru nú á leið í átt að ...
Herskip bandaríska flotans eru nú á leið í átt að Kyrrahafinu. AFP

Herskip bandaríska flotans sem Donald Trump Bandaríkjaforseti tilkynnti í síðustu viku að hann væri að senda að Kóreuskaga sigldu ekki þangað, heldur héldu skipin í öfuga átt og héldu áfram leið sinni að Indlandshafi.

Bandaríski flotinn sagði í byrjun apríl að herskip úr flotanum væru á leið að Kóreuskaganum vegna vaxandi spennu sem flugskeytatilraunir Norður-Kóreu yllu og í síðustu viku sagði Trump herskipaflota á leið þangað.

Flotinn fjarlægðist hins vegar Kóreuskagann nú um helgina þegar hann hélt í átt að Sunda-sundi, sem er á Indlandshafi, eins og fyrri áætlanir gerðu ráð fyrir. Eina breytingin sem virðist hafa verið á ferð skipanna er að að hætt var við viðkomu í Perth í Ástralíu.

Fréttavefur BBC segir ekki liggja fyrir hvort hætt hafi verið við Ástralíuheimsóknina í því skyni að valda ótta hjá Kim Jong-un, leiðtoga Norður-Kóreu, eða hvort einfaldlega hafi verið um misskilning að ræða.

Mike Pence, varaforseti Bandaríkjanna, hélt því þó áfram er hann heimsótti Japan í gær, að Bandaríkin myndu bregðast við öllum árásum á Kóreuskaga með „yfirgnæfandi styrk Bandaríkjahers“. Sagði hann Norður-Kóreu vera „hættulegustu og mest aðkallandi ógnina við frið og öryggi á Kyrrahafi“.

Mikil spenna hefur verið milli Bandaríkjanna og Norður-Kóreu undanfarið og fréttir af komu flotans til Kóreuskaga vöktu upp spurningar um það hvort Bandaríkin ætluðu að gera árás á Norður-Kóreu.

mbl.is

Bloggað um fréttina

Frá Sýrlandi til Evrópu - Greinaflokkur

Sumarbústaðalóðir til sölu í Vaðnesi
Til sölu fallegar sumarhúsalóðir með aðgangi að heitu og köldu vatni í vinsælu s...
NUDD- LÁTTU DEKRA VIÐ ÞIG.
HEITIR STEINAR OG OLIA- STURTA OG HANDKLÆÐI Á STAÐNUM NUDD GEFUR SLÖKUN OG...
SÆT ÍBÚÐ T. LEIGU Í VENTURA FLORIDA
GOLF & SÓL . Til leigu vel búnin & björt 2 svh & 2 bh íbúð á 18 holu golfvalla...
Til sölu Burstner Averso Plus 410 hjólhýsi árg. 2011
Lítur mjög vel út. Með 2019 skoðun. Ýmsir fylgihlutir fylgja með svo sem: Sól...
 
Aðalfundur
Fundir - mannfagnaðir
GIGTARFÉLAG ...
Framhald uppboðs
Nauðungarsala
Uppboð Einnig birt á www.naudungarsolu...
Félagsstarf
Staður og stund
Árskógar 4 Smíðar/útskurður m/leiðb. kl....
Félagsstarf
Staður og stund
Árskógar 4 Opin smíðastofa kl. 9-16, han...