Í blaki á kjarnorkusvæði í N-Kóreu

Bandarískir sérfræðingar hafa orðið varir við eitthvað sem líkist blakvelli ...
Bandarískir sérfræðingar hafa orðið varir við eitthvað sem líkist blakvelli á kjarnorkusvæði í Norður-Kóreu. AFP

Bandarískir sérfræðingar, sem grandskoðað hafa gervihnattamyndir frá Norður-Kóreu í kjölfar aukinnar spennu milli ríkjanna tveggja að undanförnu, telja sig hafa orðið vara við ansi óhefðbundið fyrirbæri á kjarnorkusvæði í Norður-Kóreu: Fólk að spila blak.

Frétt mbl.is: Flug­skeyta­árás á Banda­rík­in hluti af hátíðar­höld­un­um

Myndirnar voru teknar úr gervihnetti á sunnudag í framhaldi af því að grunur vaknaði um að yfirvöld í Pyongyang, höfuðborg Norður-Kóreu, væru að undirbúa næstu tilraun með kjarnorkuvopn. Í frétt BBC um málið má sjá myndir úr gervihnettinum sem sýna hvernig mótar fyrir einhverju sem líkist fólki að spila blak. 

Sérfræðingar telja einkum tvær ástæður geta verið fyrir þessum óvænta leikvelli á Punggye-ri-kjarnorkutilraunasvæðinu í norðausturhluta landsins. Annaðhvort hafi starfsmönnum kjarnorkusvæðisins verið sagt að bíða í viðbragðsstöðu, eða þá að völlurinn sé hluti af stærri áætlun af hálfu yfirvalda til að villa um fyrir Vesturlöndum.

Kim Jong-un, leiðtogi Norður-Kóreu.
Kim Jong-un, leiðtogi Norður-Kóreu. AFP

Hvað sem því líður, segir í skýrslu sérfræðinga sem grannt hafa fylgst með gangi mála, virðist sem Punggye-ri-kjarnorkusvæðið sé undir það búið að framkvæma sjöttu kjarnorkuvopnatilraunina á vegum N-Kóreu, hvenær sem skipun þess efnis berst frá Pyongyang. Að sögn sérfræðinganna, Joseph S. Bermudez Jr, Jack Liu og Frank Pabian, er þó enn á huldu hver staðan er á undirbúningi fyrir næstu mögulegu kjarnorkutilraun Norður-Kóreumanna. 

Blekkingarleikur eða beðið í viðbragðsstöðu?

„Mögulegar skýringar á nýjustu þróun mála eru að svæðið og undirbúningurinn fyrir sjöttu tilraunina hafi verið sett á stigið „í viðbragðsstöðu“ og að starfsfólki hafi verið veittur frjáls tími til að leika sér,“ segir í skýrslu sérfæðinganna.

„Eða, að Pyongyang hafi gert taktískt hlé á starfseminni á svæðinu sem hluta af heildstæðum blekkingarleik og fresti þannig framkvæmd sjötta tilraunaskotsins til betri tíma, þegar tilraunaskotið hefur hvað mest pólitískt vægi.“

Grunur hafði verið á lofti um að leiðtoginn Kim Jong-un gæti skipað fyrir um framkvæmd kjarnorkutilraunar síðasta sunnudag, sem hluta af hátíðarhöldum í tilefni af því að 105 ár eru liðin frá fæðingu Kim Il-sung, stofnanda og forseta Norður-Kóreu. Stjórnvöld í Norður-Kóreu segjast þegar hafa gert fimm tilraunir með kjarnorkuvopn, árin 2006, 2009, 2013 og tvær árið 2016.

mbl.is

Bloggað um fréttina

Frá Sýrlandi til Evrópu - Greinaflokkur

Hobby hjólhýsi
Hobby - hjólhýsi DE LUXE 460 LU 2016, sólarsell 100W A- Class, gaskútar, grjótgr...
Viltu auka business þinn. Egat Nuddsteinar(Basalt) ásamt Steinapotti 39.000
Viltu auka business þinn.(Hot Stones) . Hlægilegt verð :Fallegir Nuddsteinar (Ba...
Ný kerra til sölu
Til sölu yfirbyggð kerra á fjöðrum. Stærð 120*200. Tilboð óskast í síma 8438282...
Stórar kjarrivaxnar útsýnislóðir stutt frá Reykjavík
Lóðirnar eru í kjarrivaxinni brekku sem veit mót suðri. Frábært útsýni. Heitt va...
 
Félagsstarf aldraðra
Staður og stund
Árskógum 4 Félagsstarfið er með opið í s...
Blaðbera á akureyri
Ófaglært starfsfólk
Blaðberar Morgunblaðið óskar eftir ...
Söluturn til sölu góður söluturn og sp
Til sölu
Söluturn Til sölu góður söluturn og ...
Uppboð
Nauðungarsala
Uppboð Einnig birt á www.naudungarsolu...