Lögreglumaður skotinn til bana

Skotið var á tvo lögreglumenn í París.
Skotið var á tvo lögreglumenn í París. AFP

Einn lögreglumaður lést og annar er særður eftir skotárás í miðborg Parísar í kvöld. Árásin átti sér stað á Champs Elysees sem er fjölfarin verslunargata og eftirsóttur ferðamannastaður í borginni. Svæðinu var strax lokað. 

Árásarmaðurinn var felldur eftir skothríðina, að sögn innanríkisráðherra Frakklands. Mikill viðbúnaður er á svæðinu bæði lögreglu og bráðaliða. 

Sky-fréttastofan fullyrðir að árásarmaðurinn hafi verið í bíl sem var stopp á rauðu ljósi þegar hann skaut á lögreglumennina tvo með fyrrgreindum afleiðingum.  

Í aðdraganda forsetakosninganna hefur verið mikill viðbúnaður lögreglu og hermanna í landinu einkum á ferðamannastöðum eins og Champs Elysees, ríkisstjórnarbyggingum, við trúfélög og á öðrum stöðum sem gætu mögulega verið skotmörk hryðjuverkamanna.

Frá árinu 2015 hefur verið í gildi hæsta viðbúnaðarstig í landinu vegna mögulegra hryðjuverka í landinu. Frá því hafa yfir 230 manns látið lífið í hryðjuverkaárásum í landinu. 

Fyrri umferð forsetakosninganna í Frakklandi er á sunnudaginn. Fyrir tveimur dögum handtók lögreglan tvo menn grunaðir um að hafa verið að und­ir­búa hryðju­verka­árás í aðdrag­anda for­seta­kosn­ing­anna. Franska lög­regl­an fann byss­ur og út­búnað til sprengju­gerðar.

Fréttin verður uppfærð.

mbl.is

Frá Sýrlandi til Evrópu - Greinaflokkur

NUDD- LÁTTU DEKRA VIÐ ÞIG.
HEITIR STEINAR OG OLIA- STURTA OG HANDKLÆÐI Á STAÐNUM NUDD GEFUR SLÖKUN OG...
Barnfóstra óskast!
Erlend hjón búsett í 101 Reykjavik með 4 börn leita að barnfóstru til að aðstoða...
flott sófaborð rótarspónn og innlagt
er með fallegt sófaborð flott innlagt og vel samsettur rótarspónn.á 45,000 kr ...
Teikning eftir Mugg til sölu
Til sölu blýants- og tússteikning eftir Mugg, stærð 17,5x22 cm. Úr seríunni Sjöu...
 
Eldri borgarar
Staður og stund
Aflagrandi 40 Hjá okkur er opin vinnusto...
L edda 6017091919 i fjhst
Félagsstarf
? EDDA 6017091919 I Fjhst Mynd af au...
Eldri borgarar
Staður og stund
Árskógar 4 Smíðar, útskurður, pappamódel...
Eldri borgarar
Staður og stund
Aflagrandi 40 Það er opin vinnustofa hjá...