Gíslarnir lausir eftir 16 mánaða prísund

Veiðimenn frá öðrum löndum koma til Írak til að veiða ...
Veiðimenn frá öðrum löndum koma til Írak til að veiða dýr sem ekki er að finna í þeirra heimalöndum. AFP

Hópi veiðimanna, sem var rænt í Írak fyrir sextán mánuðum, hefur verið sleppt úr haldi. Talið er að meðlimir úr konungsfjölskyldunni í Katar séu þeirra á meðal.

Íraska innanríkisráðuneytið sagði í dag frá því að allir í hópnum, 26 talsins, hafi verið frelsaðir og dvelji nú í Bagdad. Sendinefnd frá Katar mun síðar í dag taka við hópnum.

Í frétt BBC um málið segir að hópnum hafi verið rænt af vopnuðum mönnum í eyðimörkinni í Írak skammt frá landamærunum að Sádi-Arabíu í desember árið 2015.

Umfangsmikil leit hófst þegar í stað en litlar sem engar vísbendingar um hvar hópinn var að finna komu fram. Þá fengust engar upplýsingar um hvort fólkið væri enn á lífi.

Í frétt BBC segir að lausn þeirra úr haldi sé talin vera hluti af flóknum samningi ríkjanna sem m.a. fól í sér að uppreisnarmenn hörfuðu úr nokkrum þorpum í Sýrlandi. Íraska innanríkisráðuneytið neitar að tjá sig um það.

Hins vegar hefur komið fram að shía múslímar í ríkisstjórn Íraks hafa gagnrýnt stuðning yfirvalda í Katar við uppreisnarmenn í Sýrlandi.

Talið er að meðal fólksins sem var rænt séu einn eða fleiri meðlimir konungsfjölskyldunnar í Katar. Það hefur hins vegar ekki verið staðfest opinberlega.

Á hverju ári koma hópar fólks til Írak til að veiða dýr sem ekki er að finna í þeirra heimalöndum eða eru í útrýmingarhættu þar og því bannað að veiða. 

mbl.is

Skoðanakannanir

[ Nánar | Allar kannanir í CSV-skrá ]

Frá Sýrlandi til Evrópu - Greinaflokkur

GLÆSILEGT HÚS T LEIGU Í VENTURA FLORIDA
Í húsi sem er v. 18 holu golfvöll eru 3 svh. m. sjónv., 2 bh., 1 wc, stór stofa,...
Fágæt tímarit til sölu, Birtingur, Jökull, Líf og list o.fl.
til sölu nokkur fágæt tímarit, Jökull, tímarit jöklarannsóknarfélagsins 1-47 á...
PÚSTKERFI Á HAGSTÆÐU VERÐI
Eigum fyrirlyggjandi PÚSTKERFI í flestar tegundir bifreiða. Einnig STÝRISLIÐI ...
 
Fyrirtæki í reykjavík
Önnur störf
Fyrirtæki í Reykjavík óskar eftir ...
Skipulag
Tilkynningar
Borgarbyggð Skipulagsauglýsingar De...
Eldri borgarar
Staður og stund
Aflagrandi 40 Við byrjum daginn á opnu v...
Sölumaður / kona
Iðnaðarmenn
Sölumaður / kona óskast til að annas...