Hafa handtekið 104 menn fyrir að falast eftir kynlífi við börn

Frá Toronto.
Frá Toronto. Wikipedia/SimonP

Lögregluyfirvöld í Toronto hafa handtekið fleiri en 100 menn fyrir að nota internetið til að falast eftir kynlífi hjá börnum allt niður í 13 ára gömul. Um er að ræða aðgerð sem staðið hefur yfir í fjögur ár en ráðist var í hana eftir að lögregla komst að því að þriðjungur allra vændiskvenna sem voru handteknar í borginni voru 18 ára eða yngri.

Aðgerð lögreglunnar fór m.a. þannig fram að lögreglumenn þóttust vera unglingsstúlkur á internetinu og auglýstu þar kynlífsþjónustu. Þegar mögulegum kúnnum var tjáð að „stúlkurnar“ væru á aldrinum 13-16 ára hættu flestir við en 104 freistuð þess að hitta þær og voru handteknir í kjölfarið.

Alls hafa 35 játað og hlotið þriggja til sjö mánaða fangelsisdóma en hinir bíða þess að verða dregnir fyrir dóm. Tíu voru handteknir árið 2014, 22 árið 2015, 53 árið 2016 og 19 það sem af er þessu ári.

Að sögn lögreglu hefur alltaf verið erfitt að uppræta barnavændi, þar sem unga fólkið væri oft hrætt og þorði ekki að klaga þá sem gerðu það út. Af þeim 85 ungmennum sem hafa verið handteknir fyrir vændi hafa 49 vísað á þá sem voru að græða á líkama þeirra.

mbl.is

Frá Sýrlandi til Evrópu - Greinaflokkur

EIGUM ALLSKONAR STIGA Á LAGER
Sjá: http://www.sogem-stairs.com/stairs/ladders/cottage Sími 848 3215 _ Svörum ...
Útihurðir
Nr 1. lengd 195.5cm x breidd 69cm x Tvöfalt gler. Án karms, vinstri opnun, litur...
Antík sófi, 100 ára, 100% eintak
Sófinn er óaðfinnanlegur í útliti. Mesta lengd : 130 cm Mesta dýpt : 64 c...
 
Félagsstarf
Staður og stund
Árskógar Opin smíðastofa kl. 9-15. Opið ...
Vélavörður
Sjávarútvegur
Vélavörður Vísir hf. óskar ef...
Félagsstarf
Staður og stund
Árskógar Hádegismatur, mexíkanskur hakkr...
Háseti
Sjávarútvegur
Háseti Vísir hf óskar eftir a...