Hafði áður reynt að myrða lögreglu

Champs Elysees-breiðgatan var lokuð af eftir árásina. Árásarmaðurinn er nú ...
Champs Elysees-breiðgatan var lokuð af eftir árásina. Árásarmaðurinn er nú sagður hafa reynt að fremja sams konar ódæðisverk áður. AFP

Árás­armaður­inn, sem myrti einn lögreglumann og særði tvo til viðbótar á Champs Elysees-breiðgötunni í París í gærkvöldi, var að sögn AFP-fréttastofunnar 39 ára gamall Frakki sem hlaut fimm ára fangelsisdóm árið 2005 fyrir þrefalda morðtilraun árið 2001.

Franska lögreglan hefur ekki viljað veita upplýsingar um manninn að öðru leyti en því að borin hafi verið formleg kennsl á hann. Vísar lögregla til rannsóknarhagsmuna og þess að enn sé verið að skoða hvort maðurinn hafi verið einn að verki.

Árásarmaðurinn var undir eftirliti

AFP segir tvo þeirra sem árásarmaðurinn skaut á árið 2001 hafa einnig verið lögreglumenn.

Áður hefur komið fram að maðurinn hafi verið á lista lögreglu yfir hugsanlega hryðjuverkamenn og segir AFP hann hafa verið undir stopulu eftirliti hryðjuverkadeildar lögreglu að undanförnu, þar sem grunur lék á að hann ætlaði að myrða lögreglu. Var maðurinn m.a. handtekinn vegna þessa í febrúar á þessu ári, en ekki fundust næg sönnunargögn til að halda honum.

Árás­armaður­inn er sagður hafa komið ak­andi eftir Champs Elysees og á að hafa farið út úr bíln­um og skotið með sjálf­virkri byssu á bif­reið lög­reglu. Eft­ir það lagði hann á flótta og skaut á fleiri lög­regluþjóna áður en lög­regl­an felldi hann.

Ríki íslams hef­ur lýst yfir ábyrgð á árás­inni.

BBC segir François Hollande Frakklandsforseta hafa boðað til neyðarfundar hjá frönsku stjórninni í dag vegna málsins, en fyrri umferð forsetakosninganna fer fram í landinu á sunnudag. Hollande vildi ekki staðfesta hvort árásarmaðurinn hefði tengsl við Ríki íslams, en sagðist þess fullviss að árásin teldist til hryðjuverka.

Uppfært: 8:00

Pierre-Henry Brandet, innanríkisráðherra Frakklands, greindi frá því í samtali við Europe 1 útvarpsstöðina að lögregla hefði lýst yfir öðrum manni, sem belgíska öryggislögreglan hefði borið kennsl á, í tengslum við rannsókn sína. Greindi AFP-frá því skömmu síðar að maðurinn hefði gefið sig fram við belgíska lögreglu.

mbl.is

Bloggað um fréttina

Frá Sýrlandi til Evrópu - Greinaflokkur

Til sölu BMW X1 XDRIVE 18D árg.2016
Til sölu BMW X1 ekinn 49000 km.árg.2016 2,0 150hö sjálfskiptur,leður filmur og m...
Toyota Aygo 2014
Toyota Aygo X-Play árg. 9/2014 Ek.11800 km, sparneytin (5ltr), bakkmyndavél. ...
Atvinna í boði - vinna við Netverslun og fleira
Umsjón með Netverslun og fleira tilfallandi Við leitum að starfskrafti til að s...
Listaverk eftir Sigurjón Ólafsson til sölu
til sölu listaverk eftir Sigurjón Ólafsson. Verkið kallast Sundaborg - frumdrög ...
 
M helgafell 6017042619 iv/v lf
Félagsstarf
? HELGAFELL 6017042619 IV/V LF Mynd...
Framhald uppboðs
Nauðungarsala
Uppboð Einnig birt á www.naudungarsolu...
Framhald uppboðs
Nauðungarsala
Uppboð Einnig birt á www.naudungarsolu...
Framhald uppboðs
Nauðungarsala
Uppboð Einnig birt á www.naudungarsolu...