Helmingur styður Íhaldsflokkinn
Setja bókamerki
Helmingur Breta styður Íhaldsflokk Theresu May, forsætisráðherra Bretlands, samkvæmt nýrri skoðanakönnun.
Tilefni könnunarinnar eru þingkosningar sem May boðaði óvænt til í júní næstkomandi.
Fyrirtækið ComRes framkvæmdi skoðanakönnunina fyrir götublaðið Sunday Mirror. Þar kemur fram að þetta sé í fyrsta sinn síðan í janúar 1991 sem breski Íhaldsflokkurinn nær hinum táknræna 50 prósenta stuðningi.
/frimg/9/28/928748.jpg)
Samkvæmt könnuninni, sem var gerð á netinu, bætir flokkurinn við sig fjórum prósentustigum frá því í síðustu könnun sem var gerð í síðustu viku. Fylgi breska Verkmamannaflokksins er það sama og síðast, eða 25%.
Tæpar sjö vikur eru þangað til kosningarnar hefjast, eða 8. júní.
Andrew Hawkins, formaður ComRes, varaði við því að stuðningsmenn Íhaldsflokksins gætu orðið værukærir í kosningunum.
„Það er gott vandamál fyrir flokkinn en það er einnig áskorun í kosningum þar sem kjörsóknin gæti orðið lítil og þar með haft í för með sér ófyrirsjáanlega útkomu,“ sagði hann.
Verðbólgan komin niður í 6%
Skiptir miklu meira máli en fólk grunar
„Okkur miðar í rétta átt“
Vona að Orkustofnun veiti ekki virkjunarleyfi
Handteknir eftir myndatöku í Vesturbæjarlaug
„Á réttri leið en nokkuð í land ennþá“
„Skýr skilaboð til Seðlabankans“