Stuðningur við sjálfstætt Skotland hefur hrunið á meðal skoskra kjósenda í kjölfar þess að boðað var til þingkosninga í Bretlandi ef marka má nýja skoðanakönnun. Einungis 37% Skota vilja sjálfstæði frá breska konungdæminu en 55% eru því andvíg.

Fram kemur í frétt AFP að skoðanakönnunin hafi verið gerð af fyrirtækinu Kantar. Þjóðaratkvæði fór fram um sjálfstætt Skotland 2014 þar sem 55% höfnuðu sjálfstæði en 45 voru því hlynnt. Skoski þjóðarflokkurinn hefur kallað eftir því að kosið verði á ný um sjálfstæði Skotlands í kjölfar þess að Bretland er á leið úr Evrópusambandinu.

Theresa May, forsætisráðherra Bretlands, hefur sagt að annað þjóðaratkvæði um sjálfstæði Skotlands sé ekki tímabært og virðist meirihluti skoskra kjósenda vera sammála því, að því er segir í fréttinni.

Tengdar fréttir

Þingkosningar í Bretlandi 2017

Þúsundir mótmæltu í Lundúnum

• Greiða milljarð punda til N-Íra
• Farron segir af sér í Bretlandi
• „Ég kom okkur í þessar ógöngur“
• Pundið nær aftur jafnvægi

» Fleiri tengdar fréttir

• Blogga um frétt