Einn drengur lést og 11 skólafélagar hans særðust þegar handsprengja sprakk í skólastofu í Dagestan héraði í Rússlandi í dag. Að sögn lögregluyfirvalda virkjuðu nemendurnir sprengjuna fyrir slysni.
„Samkvæmt fyrstu upplýsingum þá dó einn unglingur og 11 særðust vegna óvarkárlegar meðhöndlunar á handsprengju,“ sagði yfirlýsingu frá skrifstofu innanríkisráðuneytisins í Dagestan.
Sprengingin varð í tölvutíma í skóla í bænum Agvali, sem er um 115 km frá Makhachkala höfuðborg héraðsins.
Einn nemenda skólans kom með sprengjuna, sem hann sagðist hafa fundið úti á götu, inn í skólastofuna þar sem hún sprakk. Hafa yfirvöld nú hafið rannsókn á málinu.
Zaira Kaplanova, heilbrigðisráðherra Dagestan, sagði við rússnesku TASS fréttastofuna að 12 ára drengur hafi látist og að bekkjasystkini hans hafi verið flutt með þyrlu á næsta sjúkrahús til meðhöndlunar vegna sprengjubrotanna.
Reglulega kemur til átaka í Dagestan milli öryggislögreglu í héraðinu og uppreisnarmanna úr röðum íslamista.