30 ár fyrir að myrða skokkara

Breskur karlmaður var í dag dæmdur í 30 ára fangelsi í borginni Nimes í Frakklandi fyrir að hafa myrt unga konu árið í janúar 2013. Konan, hin 34 ára gamla Jouda Zammit, hafði farið út að skokka en skilaði sér síðan ekki heim aftur. 

Fram kemur í frétt AFP að maðurinn, Róbert Plant, hafi verið ákærður fyrir morðið eftir að lík Zammits fannst hálf nakið. Hún hafði verið skorin á háls og andlit hennar afskræmt með grjóti og klippum. Plant bjó ásamt móður sinni skammt frá þeim stað þar sem líkið fannst. Ákæruvaldið fór fram á lífstíðardóm. Reynslulausn kemur ekki til álita fyrr en eftir 20 ár.

Zammit lét eftir sig þrjú börn sem nú eru 14 ára, 11 ára og sjö ára.

• Blogga um frétt