ESB eins og Hótel Kalifornía

Boris Johnson, utanríkisráðherra Bretlands.
Boris Johnson, utanríkisráðherra Bretlands. AFP

Evrópusambandið gæti þurft að borga Bretum í tengslum við útgöngu Bretlands úr sambandinu en ekki öfugt. Þetta segir Boris Johson, utanríkisráðherra Bretlands, samkvæmt frétt AFP. Segist hann aðspurður telja að gild rök séu fyrir því.

Forystumenn Evrópusambandsins hafa ítrekað sagt að Bretar verði að greiða allt að 100 milljarða evra til sambandsins vilji þeir fá fríverslunarsamning við það. Þessu hafa bresk stjórnvöld harðbeitað og sagt enga skyldu til að greiða slíkt.

Evrópusambandið segir að fjármunirnir séu hugsaðir til þess að greiða fyrir skuldbindingar sem Bretar hafi tekið sér á hendur á næstu árum sem aðildarríki sambandsins. Bretar segja á móti að við útgöngu þeirra falli slíkar skuldbindingar niður.

Bresk stjórnvöld hafa bent á að hvergi sé minnst á slíkar greiðslur í ákvæði Lissabon-sáttmálans, æðstu löggjafar Evrópusambandsins, um útgöngu ríkja. Þá eigi Bretar hlutdeild í ýmsum eignum sambandsins sem þeir eigi rétt á að fá til baka.

Johnson vísar til þessara eigna. Evrópusambandið er að hans sögn að reyna að blóðmjólka Breta með kröfum sínum. Bretland gæti hins vegar hæglega sagt skilið við sambandið án þess að samningur lægi fyrir og án þess að inna slíkar greiðslur af hendi.

Sakar utanríkisráðherrann Evrópusambandið um að líta svo á að sambandið sé eins og Hótel Kalifornía. Vísar hann þar til texta samnefnds dægurlags með bandarísku hljómsveitinni The Eagles þar sem segir að hægt sé að skrá sig á hótelið en aldrei yfirgefa það. Johnson segir sambandið hafa rangt fyrir sér í þeim efnum.

mbl.is

Skoðanakannanir

[ Nánar | Allar kannanir í CSV-skrá ]

Frá Sýrlandi til Evrópu - Greinaflokkur

Íslensk fornrit og Saga Íslands
Íslensk fornrit til sölu, Íslendingasögur og Landnáma, bindi 1-12 og 14. Saga ...
NOTAÐ&NÝTT
NOTAÐ&NÝTT er ný verslun á Skemmuvegi 6 á bak við Byko. Mikið úrval af fallegum ...
Teikning eftir Mugg til sölu
Til sölu blýants- og tússteikning eftir Mugg, stærð 17,5x22 cm. Úr seríunni Sjöu...
 
Samkoma
Félagsstarf
Samkoma kl. 20 í Kristniboðs- salnum. R...
Framhald uppboðs
Nauðungarsala
Uppboð Einnig birt á www.naudungarsolu...
Sölumaður / kona
Iðnaðarmenn
Sölumaður / kona óskast til að annas...
L helgafell 6017101819 iv/v
Félagsstarf
? HELGAFELL 6017101819 IV/V Mynd af ...