Skotinn í höfuðið í mótmælum
Setja bókamerki
Sautján ára piltur lést í Venesúela eftir að hafa verið skotinn í höfuðið meðan á mótmælum stóð gegn ríkisstjórn landsins. Þar með hafa fjörutíu látist í mótmælunum á síðustu sex vikum.
Pilturinn var fluttur á sjúkrahús í gær eftir að hafa verið skotinn í bænum Pedraza. Hann lést á sjúkrahúsinu í morgun.
Mótmæli í Venesúla héldu áfram í gær sjöundu vikuna í röð. Mótmælendur hafa komið sér fyrir á vegum sem liggja inn í borgina Caracas og hindra alla bílaumferð. Það sama er uppi á teningnum í að minnsta kosti 50 borgum í landinu. Mótmælin beinast gegn ríkisstjórn forseta landsins, Nicolas Maduro, sem er sakaður um einræðistilburði. Hann er einnig sagður bera ábyrgð á versnandi efnahag í landinu.
Mótmælendur krefjast þess að haldnar verði forsetakosningar sem fyrst. Maduro hefur gefið það út að kosningar í landinu verði ekki fyrr en seint á næsta ári og alls ekki fyrr. Hann hefur hvorki gefið út hvenær sveitarstjórnarkosningar verða í landinu né hvenær kosið verður um borgarstjórn en þær eiga að vera á þessu ári.
Maduro hefur jafnframt sakað andstæðinga sína um að vilja koma sér frá völdum með „vopnaðri uppreisn“ sem er studd af bandarískum stjórnvöldum.
Skiptir miklu meira máli en fólk grunar
Vona að Orkustofnun veiti ekki virkjunarleyfi
„Það þarf að vinna mikinn fjölda upp“
„Okkur miðar í rétta átt“
„Hvílir mikil leynd yfir þessu öllu“
Handtekin eftir að tvö börn fundust látin