Sænska ákæruvaldið hefur boðað til blaðamannafundar á föstudag þar sem farið verður yfir þróun og stöðu mála í rannsókn sænskra yfirvalda á meintum kynferðisbrotum Wikileaks-stofnandans Julian Assange.

Um er að ræða fyrsta blaðamannafundinn sem yfirvöld efna til frá því í september sl. en á næstunni munu sænskir dómstólar taka fyrir kröfu lögmanna Assange um að handtökuskipunin gegn honum verði felld úr gildi.

Assange hefur dvalið í sendiráði Ekvador í Lundúnum frá 2012 til að forðast að vera framseldur til Svíþjóðar, þar sem hann hefur verið sakaður um kynferðisbrot. Hann segist saklaus en óttast að verða framseldur frá Svíþjóð til Bandaríkjanna, þar sem yfirvöld vilja sækja hann til saka fyrir birtingu þúsunda leyniskjala.

Samkvæmt AFP hefur Assange átta sinnum gert tilraun til að fá handtökuskipunina fellda úr gildi, án árangurs.

Tengdar fréttir

Wikileaks - Julian Assange

Íhugar að fella niður ákærur á hendur Assange

• Assange vill mæta í jarðarför Westwood
• Assange veikur í fangelsi
• Assange áfrýjar ákvörðun breskra stjórnvalda
• Vilja að Assange verði sleppt úr fangelsi

» Fleiri tengdar fréttir

• Blogga um frétt