Til í að deila afriti af samtali af Trump og Lavrov
Setja bókamerki
Vladimír Pútín Rússlandsforseti sagði fréttamönnum í dag að rússnesk stjórnvöld væru reiðubúin að deila afriti af fundi Donald Trump Bandaríkjaforseta með þeim Sergei Lavrov, utanríksráðherra Rússlands, og Sergiei Kislyak, sendiherra Rússlands í Bandaríkjunum, sem haldinn var í Hvíta húsinu í síðustu viku.
Washington Post greindi frá því á mánudag að Trump hefði þar deilt viðkvæmum og leynilegum upplýsingum um hryðjuverkasamtökin sem kenna sig við Ríki íslams. Upplýsingarnar komu frá bandamanni Bandaríkjanna sem hafði ekki gefið bandarískum stjórnvöldum leyfi til að deila þessum upplýsingum með Rússum.
Starfsmenn Hvíta hússins neituðu því alfarið á mánudag að forsetinn hefði deilt slíkum upplýsingum og það sama gerði utanríkisráðuneyti Rússlands í gær.
Trump sjálfur fullyrti hins vegar á Twitter þann sama dag að hann hefði fullan rétt á að deila viðkvæmum upplýsingum með rússneskum stjórnvöldum og að hann hefði gert það til að hjálpa Rússum „í baráttunni gegn hryðjuverkum og hryðjuverkasamtökunum Ríki íslams“.
Pútín segir Rússa nú vera tilbúna að upplýsa um það sem fram kom á fundinum. „Samþykki bandarísk stjórnvöld að það verði gert erum við tilbúin að deila afriti af samræðum Lavrov og Trump með Bandaríkjaþingi,“ sagði hann.
Spursmál: Fyrsta stóra viðtal Katrínar
Mikilvægt að vera á tánum
Ný staða uppi og óvissan meiri
Nauðgaði kærustu sinni og tók það upp
Mun fara sparlega með málskotsréttinn
Hyggjast leyfa fólki að skoða gosið
Almannavarnir auka viðbúnað