Trump og Netanyahu ræddust við í síma
Setja bókamerki
Donald Trump Bandaríkjaforseti og Benjamin Netanyahu, forsætisráðherra Ísraels, ræddust við í síma í gær en fjölmiðlar vestanhafs hafa greint frá því að upplýsingarnar sem Trump deildi með Rússum í síðustu viku komu frá Ísrael.
Talsmaður skrifstofu Netanyahu staðfesti við AFP að leiðtogarnir hefðu ræðst við í 20 mínútur en sagði samtal þeirra eingöngu hafa snúið að heimsókn Bandaríkjaforseta til Ísraels í næstu viku. Talsmaðurinn vildi ekki gefa upp hver átti frumkvæðið að samskiptunum.
Avigdor Lieberman, varnarmálaráðherra Ísraels, lofaði í gær varnarsamstarf Bandaríkjanna og Ísraels og sagði að það yrði áfram „fordæmalaust“ að umfangi. Hann minntist ekki á ákvörðun Trump um að deila leynilegum upplýsingum með Rússum.
Bandaríkin eru mikilvægasti bandamaður Ísraels og verja 3 milljörðum dala til varnarmála ríkisins árlega.
Washington Post greindi frá því á mánudag að Trump hefði deilt leynilegum upplýsingum um Ríki íslams með Sergei Lavrov, utanríkisráðherra Rússlands, og Sergey Kislyak, sendiherra Rússlands í Washington, á fundi í síðustu viku.
Þá hefur AFP fengið það staðfest innan stjórnkerfisins að umræddar upplýsingar hefðu komið frá Ísrael en New York Times greindi fyrst frá því.
Ný staða uppi og óvissan meiri
Gerir ráð fyrir 150 samningum í næstu viku
Hafa „ágætis tíma“ til úrbóta
Unnu að fullum heillindum að kaupum á TM
Almannavarnir auka viðbúnað
Spursmál: Fyrsta stóra viðtal Katrínar
Segjast ekki vera á kaldri slóð