Hin indverska Anshu Jamsenpa setti met er hún varð fyrsta konan til að fara upp á topp Everest tvisvar á einni viku. Jamsenpa stóð á toppnum dagana 16. og 21. maí að því er ferðamálaráð Nepal greinir frá.
Jamsenpa, sem er tveggja barna móðir, hafði áður sett kvennamet fyrir tvær ferðir á topp Everest með skömmu millibili. Árið 2011 fór hún á toppinn í tvígang með 10 daga millibili og er það met skráð í heimsmetabækur Guinness. Það met var slegið árið síðar af hinni nepölsku Chhurim Sherpa.
India's #AnshuJamsenpa scripts history !!
— Prasar Bharati (@prasarbharati) May 21, 2017
Becomes first women in the world to scale #MountEverest twice in five days in a single season. pic.twitter.com/bstKbuKApY
Eiginmaður hennar, Tsering Wange, sagði í samtali við BBC að Jamsenpa hefði alltaf stefnt á að endurtaka leikinn en að snjóflóðið árið 2014 og jarðskjálftinn 2015 hefðu stöðvað fyrri tilraunir hennar.
Þrír fjallgöngumenn fórust á Everest um helgina og eins er saknað samkvæmt upplýsingum frá yfirvöldum í Nepal. Jafnframt hefur þurft að bjarga á annan tug fjallgöngumanna af fjallinu síðustu þrjá daga. Vilborg Arna Gissurardóttir náði hins vegar takmarki sínu aðfaranótt sunnudags og stóð á toppi Everest.