Að minnsta kosti 44 flóttamenn, þeirra á meðal börn, hafa fundist látnir í eyðimörkinni í norðurhluta Níger. Fólkið var á leið til Líbíu þegar bifreið þeirra bilaði.

Rhissa Feltou, bæjarstjóri Agadez, staðfesti fundinn en bærinn stendur við jaðar Sahara-eyðimerkurinnar og hefur verið kallaður „smyglarahöfuðborg Afríku.“

Rauði krossinn hefur sent teymi á vettvang til að kanna málið. Að sögn heimildarmanns AFP lést fólkið úr ofþornun.

Í maí fundust átta flóttamenn frá Níger, þar af fimm börn, látnir í eyðimörkinni en talið er að þeir hafi verið á leið til Alsír. Þá björguðu hermenn um 40 flóttamönnum frá ýmsum ríkjum Vestur-Afríku sem höfðu verið yfirgefnir af fólksmyglurum á leið sinni til Líbíu.

Meðal fólksins voru einstaklingar frá Gambíu, Nígeríu, Gíneu, Senegal og Níger. Allir báru þá von í brjósti að komast til Líbíu til að geta ferðast þaðan til Evrópu.

Tengdar fréttir

Á flótta

Ástralska ríkið samdi við vafasöm fyrirtæki

• ESB herðir löggjöf um málefni flóttafólks
• 41 flóttamanns saknað
• Móðir og ungbarn drukknuðu
• Tekur á móti allt að 140 einstaklingum í viðkvæmri stöðu

» Fleiri tengdar fréttir

• Blogga um frétt