Airbnb „löggan“ gæti vakið þig í fríinu

Mikill fjöldi ferðamanna leigir íbúðir í gegnum airbnb, en það ...
Mikill fjöldi ferðamanna leigir íbúðir í gegnum airbnb, en það er farið að valda íbúum vandræðum. AFP

Næst þegar þú leigir þér íbúð í Barcelona, til dæmis í gegnum Airbnb, gætir þú átt það á hættu að vakna upp við eftirlitsmann við rúmgaflinn hjá þér. Að minnsta kosti ef eigandi íbúðarinnar hefur ekki skráð íbúðina og fengið tilskilið leyfi.

Vaxandi vísbendingar eru um það í Barcelona að aukin eftirspurn eftir leiguhúsnæði fyrir ferðamenn sé að þrýsta leiguverði upp, fram úr hófi, og jafnframt hrekja íbúa brott úr borginni. Þetta hefur kallað á aðgerðir yfirvalda, sem hrundið af stað herferð gegn ólöglegum íbúðum sem leigðar eru út án tilskilinna leyfa. Airbnb-íbúðir eru þar efst á blaði.

Talið er að um 16 þúsund íbúðir séu leigðar út til ferðamanna að jafnaði í borginni og að um 7000 þeirra séu án leyfis. Á síðasta ári sektaði Barcelona Airbnb einmitt um 600 þúsund evrur fyrir að halda áfram að auglýsa leyfislausar íbúðir á vefsíðu sinni.

Frétt mbl.is: Engar tilkynningar og ekkert eftirlit

Til að sporna gegn vandanum hafa borgaryfirvöld fjölgað í íbúðaeftirlitsteyminu sínu úr 20 í 40 eftirlitsmenn, sem þramma um götur borgarinnar í þeim tilgangi að þefa uppi leyfislausar íbúðir. Við leitina eru þeir vopnaðir smáforriti sem sýnir þeim með einum smelli, hvort íbúð er skráð og eigandinn með leyfi eða ekki. Á næsta ári verður fjölgað upp í 100 manns í teyminu. 

Með því að bera saman leyfi og auglýstar íbúðir á netinu geta eftirlitsmennirnir fundið svikahrappana ansi hratt og örugglega. Íbúðaeigendur sem verða uppvísir að því að leiga út íbúðir með ólöglegum hætti verða sektaðir um 60 þúsund evrur.

Það er hins vegar ekki alltaf hægt að hafa uppi á eigendum íbúðanna, enda virðast þeir í sumum tilfellum hafa horfið, er haft eftir Silviu Arrue sem fer fyrir eftirlitsteyminu.

Frétt mbl.is: Þénuðu 5,3 milljarða á Airbnb

Peter Huntingford, talsmaður Airbnb, hafnar því alfarið að vefsíðan hafi ekki sýnt samstarfsvilja með borgaryfirvöldum í Barcelona. „Við leggjum okkur fram um að vera í góðu samstarfi við borgir um allan heim og höfum unnið náið með embættismönnum í borginni,“ segir Huntingford í samtali við Guardian.

Airbnb hefur staðfastlega haldið því fram að meirihluti viðskiptavina þeirra séu einfaldlega íbúðaeigendur sem séu að reyna að drýgja tekjurnar með því að leigja híbýli sín til ferðamanna.

Arrue vill hins vegar meina að margir íbúðaeigendur segist leigja íbúðirnar út af fjárhagslegum ástæðum, en eigi í raun nokkrar eignir sem þeir leigi út.

mbl.is

Bloggað um fréttina

Frá Sýrlandi til Evrópu - Greinaflokkur

Kerra til sölu
Til sölu er ný kerra á fjöðrum. Hentar vel fyrir hálendið. Upplýsingar í s.48382...
NOTAÐ&NÝTT
NOTAÐ&NÝTT er ný verslun á Skemmuvegi 6 á bak við Byko. Mikið úrval af fallegum ...
flott kommóða rótar spónn simi 869-2798
er með flotta kommóðu spónlagpa og innlagða á 25,000 sími 869-2798 hæð 85x48x11...
Bátakerru stolið
Þessari kerru var stolið um Hvítasunnuhelgina í bryggjuhverfinu í Reykjavík. Þei...
 
Skrifstofustjóri
Stjórnunarstörf
Skrifstofustjóri óskast til starfa hjá ...
Félagsstarf
Staður og stund
Árskógar 4 Smíðar/útskurður með leiðb. k...
Deiliskipulag
Tilboð - útboð
Kjósarhreppur Kjósarhreppur a...
Aðalfundur
Fundir - mannfagnaðir
AÐALFUNDUR Aðalfundur Ísfélags Vestmann...