100.000 börn í mikilli hættu í Mósúl

Tvær stúlkur í al-Khazir flóttamannabúðunum, sem eru á milli Mósúl ...
Tvær stúlkur í al-Khazir flóttamannabúðunum, sem eru á milli Mósúl og Arbil. Um þriðjungur íbúa hefur flúið Mósúl. AFP

Um það bil 100.000 börn eru föst í verulega hættulegum aðstæðum innan þess svæðis sem hryðjuverkasamtökin Ríki íslams ráða enn yfir í borginni Mósúl í Írak. UNICEF, barnahjálp Sameinuðu þjóðanna, segir börnin vera notuð sem mannlega skildi af vígamönnum  og að þau lendi líka í skothríð á vígvellinum.

Sum hafi jafnvel verið neydd til að taka þátt í átökunum. Hefur Reuters-fréttastofan eftir samtökunum að árásir hafi verið gerðar á bæði sjúkrahús og heilbrigðisstofnanir. „Við fáum ógnvekjandi fréttir af almennum borgurum, þeirra á meðal nokkrum börnum sem hafa verið drepin í vesturhluta Mósúl,“ sagði í yfirlýsingunni. „Sum þeirra voru að sögn drepin er þau reyndu í örvæntingu að flýja átökin, sem verða harðari með hverri stundinni.“

Segir Reuters að flogið hafi verið með fréttamannateymi á þeirra vegum yfir svæðið og að þar hafi blasað við lík tuga almennra borgara, m.a. barna, sem lægju þar við víglínuna og að svo virtist sem þau hefðu verið drepin er þau reyndu að flýja.

Íraski stjórnarherinn náði austurhluta Mósúl á sitt vald í janúar á þessu ári og hóf síðan sóknaraðgerðir aftur í mars til að reyna að ná restinni af borginni úr höndum Ríkis íslams.

Mun lengri tíma hefur tekið að ná borginni af valdi hryðjuverkasamtakanna en upphaflega var áætlað og er það m.a. vegna þess að vígamennirnir hafa komið sér fyrir meðal almennra borgara.

Um það bil 700.000 manns, eða um þriðjungur þeirra sem bjuggu í Mósúl áður en átökin hófust, hafa flúið borgina.

mbl.is

Bloggað um fréttina

Frá Sýrlandi til Evrópu - Greinaflokkur

HARÐVIÐUR TIL HÚSBYGGINGA
Harðviður til húsabygginga Sjá nánar á www.vidur.is Vatnsklæðning, panill, palla...
Ford Transit Rimor árg. 2008
Ford Transit Rimor húsbíll. Nýskr 05.2008. Ekinn 84 þús. 5 gíra. Eyðslugrann...
HARMONIKKUHURÐIR SPARA MIKIÐ PLÁSS
Margar gerðir, oftast afgreiddar samdægurs, verð frá kr. 13.900,- Sími 848 3215...
 
Félagsstarf
Staður og stund
Árskógar Opin smíðastofa kl. 9-15. Opið ...
Vélavörður
Sjávarútvegur
Vélavörður Vísir hf. óskar ef...
Framhald uppboðs
Nauðungarsala
Uppboð Einnig birt á www.naudungarsolu...
Félagsstarf
Staður og stund
Árskógar Hádegismatur, mexíkanskur hakkr...