Norður-Kórea skaut fjölda flugskeyta frá austurströnd landsins seint í gærkvöldi, að sögn varnarmálaráðuneytis Suður-Kóreu.
Um er að ræða skammdræg flugskeyti sem er ætlað að hæfa skip.
Innan við vika er síðan Sameinuðu þjóðirnar samþykktu að auka refsiaðgerðir sínar gegn stjórnvöldum í Norður-Kóreu.
Eldflaugarnar flugu um 200 kílómetra í um tveggja kílómetra hæð áður en þær féllu í Japanshaf, að sögn varnarmálaráðuneytisins.
„Það eina sem Norður-Kórea græðir á ögrun sem þessari er alþjóðleg einangrun og efnahagsleg vandamál. Þjóðin mun missa af tækifærum til framþróunar,“ sagði Moon Jae-In, forseti Suður-Kóreu.