Pierre Moscovici, yfirmaður efnahagsmála í framkvæmdastjórn Evrópusambandsins, segir að Theresa May, forsætisráðherra Bretlands, hafi „tapað veðmáli sínu“, eftir ósigur sinn í bresku þingkosningunum.

Frétt af mbl.is

Enginn með hreinan meirihluta

„Frú May, sem átti að koma enn sterkari út, hefur tapað veðmáli sínu og þess vegna er staða hennar óljós vegna þess að sannleikurinn er sá að við vitum í raun ekki hver staðan er á stjórn landsins núna,“ sagði Moscovici í samtali við útvarpsstöðina French Europe 1.

Þrýstingur er á May um að segja af sér vegna úrslitanna en enginn flokkur er með hreinan þingmeirihluta.

Moscovici sagði að „hvað ESB varðar þá erum við tilbúin í samningaviðræður“ um útgöngu Bretlands úr Evrópusambandinu.

Spurður hvort viðræðurnar geti hafist 19. júní eins og áætlanir gerðu ráð fyrir sagði hann: „Við skulum ekki ýta á eftir hlutunum en hvað sem gerist þá erum við tilbúin.“

Hann bætti við að ESB þyki leitt að Bretlandi hafi ákveðið að ganga úr ESB.

Theresa May. AFP

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

Þingkosningar í Bretlandi 2017

Þúsundir mótmæltu í Lundúnum

• Greiða milljarð punda til N-Íra
• Farron segir af sér í Bretlandi
• „Ég kom okkur í þessar ógöngur“
• Pundið nær aftur jafnvægi

» Fleiri tengdar fréttir

• Blogga um frétt