Tekur Boris Johnson við af May?

Boris Johnson, utanríkisráðherra Bretlands.
Boris Johnson, utanríkisráðherra Bretlands. AFP

Þegar hefur verið skorað á Theresu May, forsætisráðherra Bretlands og leiðtoga Íhaldsflokksins, að segja af sér embætti í kjölfar þingkosninganna í gær þar sem flokkurinn missti meirihluta sinn. Meðal annars af Jeremy Corbyn, leiðtoga Verkamannaflokksins. Hún hefur hins vegar þvertekið fyrir það og lagt áherslu á að tryggja þurfi stöðugleika í kjölfar kosninganna.

Hins vegar hafa þegar hafist vangaveltur um það hver gæti mögulega tekið við af May ef hún stígur að lokum til hliðar. Efstur þar á blaði er utanríkisráðherrann Boris Johnson. Einnig hefur Philip Hammond fjármálaráðherra verið nefndur til sögunnar og Amber Rudd innanríkisráðherra. Einnig þykir ráðherrann David Davis koma til greina sem haldið hefur utan um útgöngu Bretlands úr Evrópusambandinu í ríkisstjórn landsins.

Þegar David Cameron, forveri May á stóli forsætisráðherra, sagði af sér í kjölfar þjóðaratkvæðisins í Bretlandi á síðasta ári þar sem meirihluti Breta samþykkti að ganga úr Evrópusambandinu lögðu margir að Johnson að gefa kost á sér í leiðtogaslagnum innan Íhaldsflokksins. Hann ákvað hins vegar ekki að gefa kost á sér í það skiptið og varð May að lokum fyrir valinu.

Johnson þykir vinsæll stjórnmálamaður og hafa töluvert meiri kjörþokka en May. Mörgum þykir hann sérvitur en á móti hefur verið bent á að óhefðbundnir stjórnmálamenn virðist eiga upp á pallborðið hjá kjósendum í dag.

Johnson var einn helsti forystumaður þeirra sem börðust fyrir því í aðdraganda þjóðaratkvæðisins að Bretar færu úr Evrópusambandinu. May var hins vegar í hópi þeirra sem vildu að Bretland yrði áfram innan sambandsins.

mbl.is

Frá Sýrlandi til Evrópu - Greinaflokkur

Smíðum lista í gömul hús
Smíðum lista yfir rör og því sem þarf að loka uppl í s 564 4666 eða 866 6101 sk...
HÚSAVIÐHALD
Viðgerðir og viðhald fasteigna er okkar fag. Húsaklæðning ehf. hefur í áratugi ...
Armbönd
...
 
Aflaheimildir
Tilkynningar
Auglýsing eftir umsóknum um afla...
Félagsstarf
Staður og stund
Aflagrandi 40 Opin vinnustofa kl 9 og gö...
Félagsstarf
Staður og stund
Aflagrandi 40 Við byrjum daginn á opnu v...
Aðalfundur
Fundir - mannfagnaðir
Aðalfundur Aðalfundur Vör...