Vandræðaleg tilraun Corbyn

Myndin er tekin aðeins nokkrum sekúndum fyrir fimmu Corbyn.
Myndin er tekin aðeins nokkrum sekúndum fyrir fimmu Corbyn. AFP

Jeremy Corbyn, leiðtogi breska Verkamannaflokksins, átti eflaust vandræðalegasta augnablik kosninganæturinnar þegar hann hugðist gefa flokkssystur sinni og þingmanninum Emily Thornberry góða fimmu á gamla mátann.

Thornberry hefur gegnt þingmennsku fyrir Verkamannaflokkinn í Suður-Islington og Finsbury frá árinu 2005 og var Corbyn að fagna sigri hennar í kjördæminu. Skömmu síðar var svo tilkynnt að Corbyn hefði farið með öruggan sigur af hólmi í sínu eigin kjördæmi, Norður-Islington.

Atvikið ætti því varla að draga mikið ef nokkuð úr gleði beggja í nótt. Aðrir geta hins vegar glaðst yfir því að það skuli yfir höfuð hafa náðst á myndband.

mbl.is
Fleira áhugavert
Fleira áhugavert