Talinn hafa fengið hjartastopp

Otto Frederick Warmbier í febrúar 2016.
Otto Frederick Warmbier í febrúar 2016. AFP

Bandaríski námsmaðurinn Otto Warmbier, sem nýverið var sleppt úr haldi í Norður-Kóreu, varð fyrir alvarlegum heilaskaða á meðan hann var þar í haldi. Þetta segja læknar sem hafa rannsakað Warmbier eftir að hann sneri aftur til Bandaríkjanna. Hann var handtekinn í Norður-Kóreu á síðasta ári sakaður um að stela veggspjaldi á hóteli.

Fram kemur í frétt AFP að rannsóknir hafi ekki varpað ljósi á það hvað hafi valdið heilaskaðanum. Warmbier hefur verið í dái í rúmt ár en stjórnvöld í Norður-Kóreu segja að hann hafi fengið bótúlíneitrun í kjölfar þess að vera dæmdur til 15 ára þrælkunarvinnu. Eftir að hafa fengið svefnlyf hafi hann fallið í dá. Foreldrar hans hafa hafnað þeirri skýringu.

Warmbier var látinn laus í kjölfar diplómatískra samskipta á milli Bandaríkjanna og Norður-Kóreu. Faðir Warmbiers, Fred Warmbier, hefur gagnrýnt ráðamenn í Norður-Kóreu harðlega. Jafnvel þótt skýringar þeirra væru teknar trúanlegar væri engin afsökun fyrir því að hafa haldið ástandi hans leyndu svo lengi og ekki veitt honum nauðsynlega læknisaðstoð.

Bandarískir læknar, sem hafa rannsakað Warmbier, segja að hann gæti andað af eigin rammleik og hann gæti blikkað augunum en ekkert benti til þess að hann skildi það sem væri sagt við hann eða væri meðvitaður um umhverfi sitt. Læknarnir telja líklegast að Warmbier hafi orðið fyrir hjartastoppi sem hafi stöðvað blóðflæðið til heilans.

Hins vegar vita læknarnir ekki hvað kunni að hafa valdið hjartastoppinu ef kenning þeirra er rétt. Þeir hafi ekki fundið nein merki um bótúlíneitrun. 

mbl.is

Frá Sýrlandi til Evrópu - Greinaflokkur

VOLVO V70
VOLVO V70 ÁRG. 2006, EINN EIGANDI, EK. AÐEINS 104 Þ. KM., 2,4L., 5 GÍRA, DÖKKT L...
Styttur eftir Miðdal til sölu
Til sölu styttur eftir Guðmund frá Miðdal, Sólskríkjur Maríuerlur. Músarri...
Innfluttningur á enn betra verði fyrir alla
Hjálpum fólki að útvega allt frá Bretlandi á mun lægra verði sem viðkemur vinnu...
 
L helgafell 6017121319 vi
Félagsstarf
? HELGAFELL 6017121319 VI Mynd af au...
Framhald uppboðs
Nauðungarsala
Uppboð Einnig birt á www.naudungarsolu...
Framhaldsuppboð
Nauðungarsala
Uppboð Einnig birt á www.naudungarsolu...
Matsveinn
Sjávarútvegur
Matsveinn Vísir hf óskar eftir...