Donald Trump, forseti Bandaríkjanna, staðfestir að rannsókn er hafin á meintum tengslum hans við Rússland í bandarísku forsetakosningunum. BBC greinir frá.
Trump greindi frá þessu í Twitter-færslu.
I am being investigated for firing the FBI Director by the man who told me to fire the FBI Director! Witch Hunt
— Donald J. Trump (@realDonaldTrump) June 16, 2017
Hann kallaði rannsóknina jafnframt „nornaveiðar“. Trump er í rannsókn fyrir að hafa rekið James Comey, forstjóra Alríkislögreglunnar FBI, sem hann bendir jafnframt á að hafi sagt honum að reka forstjóra FBI.
Fyrr í dag sagðist Trump vera fórnarlamb nornaveiða og væri afsóttur af „vondu fólki“ vegna rannsóknarinnar. Hún beinist að því hvort hann hafi reynt að hindra framgang réttvísinnar vegna hugsanlegra tengsla forsetaframboðs hans við stjórnvöld í Rússland.
Meint tengsl forsetaframboðs Trumps við rússneska ráðamenn eru bæði til rannsóknar hjá þingnefnd og alríkislögreglunni FBI. Rannsóknirnar beinast bæði að meintum afskiptum Rússa af kosningabaráttunni fyrir forsetakosningarnar á síðasta ári og mögulegum tengslum framboðs Trumps við rússneska ráðamenn.