Fimm úr sömu fjölskyldu fórust

Tvær konur gráta er þær minnast þeirra sem létust í ...
Tvær konur gráta er þær minnast þeirra sem létust í eldsvoðanum. AFP

Fimm úr sömu fjölskyldunni voru á meðal þeirra sem fórust í eldsvoðanum mikla í Grenfell-turninum fyrr í vikunni.

Um er að ræða El-Wahabi-fjölskylduna. Abdul Aziz var 52 ára og eiginkonan hans Fouiza var 42 ára.

Þrjú börn þeirra, Yasin sem var 21 árs, Nurhada sem var 16 ára og Mehdi sem var 8 ára, létust einnig í eldinum.

Fréttastofa Sky greinir frá þessu.

Slökkviliðsmenn að störfum í Grenfell-turninum.
Slökkviliðsmenn að störfum í Grenfell-turninum. AFP

Khadija Saye, sem var 24 ára og bjó á tuttugustu hæð blokkarinnar lést einnig. Þetta staðfesti fjölskylda hennar. Móður hennar, Mary Mendy, er enn saknað.

„Hvíldu í friði Khadija Saye. Guð blessi þína fallegu sál. Ég er afar sorgmæddur í dag. Ég syrgi yndislega unga konu,“ sagði þingmaðurinn David Lammy á Twitter.

Saye var fær listamaður og eru ljósmyndir hennar til sýnis á Feneyjartvíæringnum.

Áður hefur verið greint frá andláti Mohammeds Alhajali sem var flóttamaður frá Sýrlandi.

Að minnsta kosti 58 fórust í eldsvoðanum. Um 70 er enn saknað. 

Kona kveikir á kerti á minningarreit um fórnarlömbin.
Kona kveikir á kerti á minningarreit um fórnarlömbin. AFP
mbl.is

Skoðanakannanir

[ Nánar | Allar kannanir í CSV-skrá ]

Frá Sýrlandi til Evrópu - Greinaflokkur

Skjóni eftir Nínu Tryggvadóttur
til sölu barnabókin Skjóni myndskreytt af Nínu Tryggvadóttur, útg. 1967, afar go...
 
Eldri borgarar
Staður og stund
Aflagrandi 40 Opin vinnustofa kl. 9 og s...
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Vélavörður
Sjávarútvegur
Vélavörður óskast! Vélavörð vantar á ...
L helgafell 6017101819 iv/v
Félagsstarf
? HELGAFELL 6017101819 IV/V Mynd af ...