Sjö sjóliða saknað eftir árekstur

Eins og sést á þessari ljósmynd, þá skemmdist herskipið mikið ...
Eins og sést á þessari ljósmynd, þá skemmdist herskipið mikið í árekstrinum. AFP

Sjö bandarískra sjóliða er saknað eftir að bandaríski tundurspillirinn USS Fitzgerald rakst á gámaflutningaskip skammt undan vesturströnd Japans. Leit stendur yfir. Nokkrir hafa slasast, þar á meðal sjóliðsforingi herskipsins. Hann var fluttur á sjúkrahús í þyrlu. 

Áreksturinn varð um 104 km suðvestur af borginni Yokosuka um klukkan 02:30 í nótt að staðartíma (kl. 17:30 að íslenskum tíma í gær). Mikið tjón varð á stjórnborða, eða á hægri hlið herskipsins. Gámaflutningaskipið skemmdist minna, en stafn skipsins rakst á herskipið. Þetta kemur fram á vef BBC. 

Gámaflutningaskipið, sem siglir undir fána Fillipseyja, skemmdist minna. Það er ...
Gámaflutningaskipið, sem siglir undir fána Fillipseyja, skemmdist minna. Það er þrefalt stærra heldur en bandaríski tundurspillirinn, eða um 30.000 tonn. AFP

Líðan skipstjórans, Bryce Benson, er sögð vera stöðug, en hann var fluttur á bandarískt hersjúkrahús í Yokosuka. 

Tveir sjóliðar til viðbótar voru fluttir á sjúkrahús með þyrlu, en þeir hlutu skurði og mar. 

Sjór byrjaði að flæða inn í herskipið, sem er 154 metra langt, í kjölfar áreksturins en tekist hefur að stöðva lekann og menn telja enga hættu á því að skipið muni sökkva. Það siglir nú undir eigin vélarafli til Yokosuka. Það fer hins vegar ekki hratt yfir sökum þeirra skemmda sem skipið varð fyrir. 

Mikil skipaumferð er á því svæði þar sem áreksturinn varð. 

USS Fitzgerald siglir nú til Yokosuka.
USS Fitzgerald siglir nú til Yokosuka. AFP
mbl.is

Skoðanakannanir

[ Nánar | Allar kannanir í CSV-skrá ]

Frá Sýrlandi til Evrópu - Greinaflokkur

Skjóni eftir Nínu Tryggvadóttur
til sölu barnabókin Skjóni myndskreytt af Nínu Tryggvadóttur, útg. 1967, afar go...
 
Eldri borgarar
Staður og stund
Aflagrandi 40 Opin vinnustofa kl. 9 og s...
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Vélavörður
Sjávarútvegur
Vélavörður óskast! Vélavörð vantar á ...
L helgafell 6017101819 iv/v
Félagsstarf
? HELGAFELL 6017101819 IV/V Mynd af ...