Harðir bardagar í Mósúl

Íraskar hersveitir reyna nú að ná borginni aftur á sitt ...
Íraskar hersveitir reyna nú að ná borginni aftur á sitt vald. AFP

Harðir bardagar hafa geisað í og við borgina Mósúl í Írak, en íraskar hersveitir hófu í dag aðgerðir til að ná aftur hluta borgarinnar sem hið svonefnda Ríki íslams hefur ráðið lögum og lofum.

Sérsveitir hersins og lögreglunnar hafa sótt fram úr vestri og suðri. Þeir fengu óblíðar móttökur því sprengikúlum var skotið á þá auk þess sem bílsprengjum var komið fyrir. 

Bardagarnir hafa verið harðir og menn hafa ekki sparað byssukúlurnar ...
Bardagarnir hafa verið harðir og menn hafa ekki sparað byssukúlurnar eins og sést á þessari mynd sem sýnir illa farið ökutæki íraska hersins. AFP

Sameinuðu þjóðirnar segja að hátt í 100.000 almennir borgarar séu fastir í gamla hluta borgarinnar, en þar er mjög þéttbýlt. Íbúarnir hafa verið hvattir til að yfirgefa borgina fái þeir tækifæri til þess.

Fram kemur á vef BBC, að talsmenn Írakshers segja að hersveitir sæki hægt fram eftir þröngum strætum til að takmarka mannfall úr röðum saklausra borgara. 

AFP

„Aðgerðin snýst nú um götubardaga. Árásir úr lofti eða með fallbyssum verða takmarkaðar því svæðið er mjög þéttbýlt og byggingarnar viðkvæmar,“ segir Sabah al-Numan, talsmaður hersins í samtlai við al-Hadath sjónvarpsstöðina í Dúbaí.

Fréttamiðlar Ríkis íslams hafa greint frá því að hryðjuverkasamtökunum hafi tekist að stöðva sókn íraskra hermanna í eitt hverfi borgarinnar. Þá hafi liðsmenn samtakanna gert árásir á lögreglustöðvar snemma í morgun. 

mbl.is

Skoðanakannanir

[ Nánar | Allar kannanir í CSV-skrá ]

Frá Sýrlandi til Evrópu - Greinaflokkur

Nudd Nudd Nudd
Relaxing Massage Down Town Reykjavik. S. 6959434, Alina....
 
Aðalskipulag
Tilkynningar
Lýsing breytingar Aðalski...
Eldri borgarar
Staður og stund
Aflagrandi 40 Við byrjum daginn á opnu v...
Félagsstarf
Staður og stund
Aflagrandi 40 Hjá okkur er opin vinnusto...
Fyrirtæki í reykjavík
Önnur störf
Fyrirtæki í Reykjavík óskar eftir ...