Skaut niður sýrlenska herflugvél

Herþota af gerðinni F/A-18E Super Hornet sem skaut niður sýrlenska ...
Herþota af gerðinni F/A-18E Super Hornet sem skaut niður sýrlenska herflugvél. AFP

Bandarísk herþota skaut niður sýrlenska herflugvél sem bandarísk stjórnvöld fullyrða að hafi gert árás á bandamenn í baráttu þeirra við liðsmenn hins svonefnda Ríkis íslams í Sýrlandi.

Átökin í Sýrlandi, sem hafa staðið yfir í sex ár, verða flóknari með hverjum deginum sem líður. Bandaríkin og bandamenn þeirra sækja nú gegn liðsmönnum Ríkis íslams í Raqqa í norðurhluta landsins, sem er skammt frá þar sem rússneskir hermenn, sem styðja sýrlenska stjórnarherinn, eru staddir. 

Þá hafa Íranar greint frá því að þeir hafi skotið flugskeyti á vígi hryðjuverkamanna í héraðinu Deir Ezzor í norðurausturhluta landsins. Þetta hafi verið hefndaraðgerð í kjölfar mannskæðra árása sem gerðar voru í Teheran, höfuðborg Írans, nýverið, en liðsmenn Ríkis íslams lýstu yfir ábyrgð á þeirri árás. 

Sýrlensku lýðræðissveitirnar, sem njóta stuðnings Bandaríkjanna, eru bandalag kúrdískra og arabískra bardagamanna. Hersveitirnar herja nú á vígamenn til að bola þeim burt frá Raqqa, en þeim tókst að brjóta sér leið inn í borgina, sem var höfuðvígi Ríkis íslams, í síðustu viku.

Sýrlenski stjórnarherinn tekur ekki þátt í átökunum um Raqqa, en hann sækir fram á svæði sem er suðvestur af borginni. Hann fer í kringum liðsmenn sýrlensku lýðræðissveitanna, en markmiðið er að ná til Deir Ezzor sem er mjög auðugt af olíu. 

Talsmaður sýrlenska hersins greindi frá því að bandaríska herþotan hefði gert árás á herflugvélina í héraðinu Resafa, suður af Raqqa. Sýrlandsher segir að herflugvélin hafi verið í verkefni sem beindist gegn liðsmönnum Ríkis íslams. Herinn segir að þetta muni hafa alvarlegar afleiðingar. 

Bandaríkjaher staðfesti síðar að þotan hefði grandað vélinni sem hefði varpað sprengjum skammt frá liðsmönnum sýrlensku lýðræðissveitanna. Þetta hefði verið gert í sjálfsvörn. 

mbl.is

Frá Sýrlandi til Evrópu - Greinaflokkur

VW TOUAREG
VW TOUAREG ÁRG. 2004, GYLLTUR, TVEIR EIGENDUR, LJÓST LEÐUR, V8 SJÁLFSK., EK. 142...
Kaupi notaðar hljómplötur. Sími 696 1909.
Kaupi notaðar hljómplötur. Sími 696 1909....
UHD skjáir ( 4k )
Upplýsingar gefur Ólafur hjá Varmás ehf. sími 566 8144 ...
 
L helgafell 6017121319 vi
Félagsstarf
? HELGAFELL 6017121319 VI Mynd af au...
Leiðsögumaður
Ferðaþjónusta
Leiðsögumaður óskast Glacier Adventure...
Land til sölu
Til leigu
Land til sölu Til sölu eða leigu 4,6 h...
Framhald
Nauðungarsala
Uppboð Einnig birt á www.naudungarsolu...