Fleiri á flótta en nokkru sinni fyrr

Flóttafjölskylda í Grikklandi.
Flóttafjölskylda í Grikklandi. AFP

Fjöldi þeirra sem þvingaðir hafa verið á flótta vegna stríðs, ofbeldis og ofsókna var sá mesti sem nokkru sinni hefur verið skráður árið 2016, samkvæmt skýrslu sem Flóttamannastofnun Sameinuðu þjóðanna gaf út í dag.

Samkvæmt nýrri skýrslu Flóttamannastofnunar, Þróun á heimsvísu, árlegri könnun stofnunarinnar á fjölda fólks á flótta, voru í árslok 2016 um allan heim 65,6 milljónir einstaklinga sem þvingaðir höfðu verið á flótta - um 300.000 fleiri en árið áður. Þessi fjöldi er til vitnis um þann gríðarlega fjölda fólks sem þarfnast verndar um heim allan, segir í tilkynningu sem Flóttamannastofnun Sameinuðu þjóðanna (UNHCR) sendi frá sér í morgun.

Sýrlensk fjölskylda á flótta.
Sýrlensk fjölskylda á flótta. AFP

„Talan 65,6 milljónir er samsett úr þremur mikilvægum þáttum. Í fyrsta lagi er það fjöldi flóttamanna, en 22,5 milljónir eru mesti fjöldi sem sést hefur. Af þeim eru 17,2 milljónir á ábyrgð Flóttamannastofnunar SÞ og hinir eru palestínskir flóttamenn sem skráðir eru hjá systurstofnun okkar Palestínuflóttamannaaðstoð SÞ. Flestir flóttamenn koma vegna átakanna í Sýrlandi (5,5 milljónir), en árið 2016 var stærsta nýja uppsprettan Suður-Súdan þar sem hörmuleg endalok friðarferlis í júlí sama ár stuðlaði að því að 739.900 manns flúðu fyrir lok árs (1,87 milljónir til dagsins í dag).“

Yfir 40 milljónir á vergangi í heimalandinu

Í öðru lagi er það fólk sem er á vergangi innan eigin lands, en það voru 40,3 milljónir í lok 2016 samanborið við 40,8 milljónir ári áður. Sýrland, Írak og umtalsverður fjöldi veglausra sem enn eru innan Kólumbíu, voru stærstu hóparnir, en veglausir í eigin landi er alheimsvandamál og á við um tvo þriðju allra þeirra sem þvingaðir eru á flótta. 

Í þriðja lagi eru það hælisleitendur, fólk sem hefur flúið land sitt og leitar alþjóðlegrar verndar sem flóttamenn. Í árslok 2016 var heildarfjöldi þeirra sem leitaði hælis 2,8 milljónir.

„Allt þetta samanlagt er sá gríðarlegi mannlegi kostnaður sem hlýst af stríði og ofsóknum á heimsvísu: 65,6 milljónir þýðir að að meðaltali er einn af hverjum 113 einstaklingum um allan heim í dag einhver sem er veglaus - fleiri en íbúar Bretlands, sem er 21. fjölmennasta land heims,“ segir í nýrri skýrslu UNHCR.

Barn á flótta frá Suður-Súdan.
Barn á flótta frá Suður-Súdan. AFP


Óásættanlegur fjöldi

„Þetta er óásættanlegur fjöldi, sama hvernig á það er litið, og sýnir enn frekar en áður þörfina fyrir samstöðu og sameiginleg markmið við að koma í veg fyrir og leysa neyðarástand og tryggja í sameiningu að flóttafólk heimsins, veglausir í eigin landi og hælisleitendur, fái viðeigandi vernd og umönnun á meðan fundin er lausn,“ sagði Filippo Grandi, flóttamannafulltrúi Sameinuðu þjóðanna þegar hann kynnti skýrsluna.

„Við verðum að gera betur fyrir þetta fólk. Heimur í átökum þarf ákveðni og hugrekki, ekki ótta,“ er ennfremur haft eftir Grandi í tilkynningu UNHCR.

Ein manneskja leggur á flótta á þriggja sekúnda fresti

Meginniðurstöður Þróunar á heimsvísu að enn fjölgi þeim sem neyðast til þess að leggja á flótta frá heimilum sínum. Af þeim 65,6 milljónum manna sem neyddust til að flýja lögðu 10,3 milljónir á flótta árið 2016, um það bil tveir þriðju þeirra (6,9 milljónir) eru á flótta innan eigin lands. Þetta jafngildir því að ein manneskja fari á flótta á 3 sekúndna fresti - sem er styttri tími en tekur að lesa þessa setningu.

Aðstæður flóttafólks eru oft skelfilegar þrátt fyrir að því hafi ...
Aðstæður flóttafólks eru oft skelfilegar þrátt fyrir að því hafi tekist að flýja hörmungar heima fyrir. Flóttamaður sem hefur komið sér fyrir úti á götu við Porte de la Chapelle í París. AFP

Á sama tíma vöktu endurkomur flóttafólks og fólks sem var veglaust í eigin landi til upprunalands, ásamt öðrum lausnum svo sem búsetu í þriðja landi, vonir hjá sumum um að ástandið væri að batna árið 2016. Ein 37 lönd tóku á móti 189.300 flóttamönnum til búsetu. Um hálf milljón annars flóttafólks gat snúið til heimalands síns og um 6,5 milljónir veglausra í eigin landi til upprunasvæða sinna - þó að margir gerðu það við aðstæður sem ekki voru eins og best væri á kosið og framtíðarhorfur þeirra séu ótryggar.

AFP

Á heimsvísu voru flestir flóttamenn, eða 84%. í lág- eða meðaltekjumarlöndum í lok 2016 og einn af hverjum þremur (4,9 milljónir) er í minnst þróuðu löndunum. Þetta mikla ójafnvægi endurspeglar nokkra hluti svo sem viðvarandi skort á samstöðu á alþjóðavettvangi þegar kemur að móttöku flóttamanna til búsetu og nálægð margra fátækra landa við átakasvæði. Það undirstrikar einnig mikilvægi öflugs stuðnings við lönd og samfélög sem styðja flóttamenn og annað veglaust fólk, því að skortur á stuðningi getur valdið óstöðugleika, haft áhrif á mannúðarstarf sem bjargar mannslífum eða leitt til frekari flótta. 

AFP

Miðað við fólksfjölda er Sýrland enn helsta uppspretta fólks á flótta þar sem um 12 milljónir einstaklinga (um tveir þriðju hlutar íbúanna) eru annaðhvort veglausir í eigin landi eða hafa flúið erlendis sem flóttamenn eða hælisleitendur. Fyrir utan langvarandi ástand palestínskra flóttamanna eru Afganar næst fjölmennastir (4,7 milljónir) og síðan Írakar (4,2 milljónir) og Suður-Súdanar (sá hópur sem hraðast vex en 3,3 milljónir hafa flúið heimili sín í árslok).

Börn, sem eru helmingur flóttafólks í heiminum, bera enn óhóflega byrðar þjáningar, aðallega vegna þess hve varnarlaus þau eru. Það er átakanleg staðreynd að 75.000 beiðnir um hæli voru lagðar fram af börnum sem ferðuðust ein eða höfðu orðið viðskila við foreldra sína. Í skýrslunni kemur fram að jafnvel þessi tala sé líklega vanmat á raunverulegu ástandi.

Fjölskylda frá Afganistan sem býr í búðum fyrir flóttafólk í ...
Fjölskylda frá Afganistan sem býr í búðum fyrir flóttafólk í Grikklandi. AFP

Flóttamannastofnunin áætlar að í árslok 2016 hafi að minnsta kosti 10 milljónir verið án ríkisfangs eða í hættu á að missa ríkisfang sitt. Hins vegar ná gögn sem ríki miðluðu til Flóttamannastofnunar SÞ aðeins yfir 3,2 milljónir ríkisfangslausra einstaklinga í 74 löndum.

Þróun á heimsvísu er tölfræðilegt mat á umfangi flótta og sem slíkt nær það ekki yfir suma lykilþætti flóttamannavandans árið 2016. Þar á meðal er vaxandi notkun hælismála í pólitískum tilgangi í mörgum löndum og vaxandi takmarkanir á aðgangi að vernd á sumum svæðum, en einnig jákvæð þróun, svo sem sögulegar ráðstefnur um flóttamenn og innflytjendur í september 2016 og tímamóta New York-yfirlýsingin sem kom í kjölfar þeirra, hin nýja samfélagsnálgun til að takast á við flóttaaðstæður sem lögð var fram undir Heildrænum viðbrögðum við vanda flóttamanna og hið mikla örlæti ríkja sem taka á móti flóttafólki og gjafaríkja gagnvart flóttamönnum og öðru fólki á flótta, segir í tilkynningu UNHCR.

Fjölmörg börn hafa aldrei upplifað líf fyrir utan flóttamannabúða.
Fjölmörg börn hafa aldrei upplifað líf fyrir utan flóttamannabúða. AFP

Flóttamannastofnun Sameinuðu þjóðanna, gefur árlega út skýrsluna Þróun á heimsvísu byggða á eigin gögnum, gögnum sem hún fær frá samstarfsaðilanum sínum hjá Miðstöð um eftirlit með veglausu fólki í eigin landi og gögnum sem hún fær frá ríkisstjórnum.

mbl.is

Frá Sýrlandi til Evrópu - Greinaflokkur

Rafmagns / snyrti / nuddbekkur Egat Delta hægt að halla 20 g á báðum endum
Tilvalið fyrir snyrtifræðinginn, nuddarann, fótaaðgerðafræðinginn og aðra í heil...
Yaris Hybrid 2012
Til sölu Yaris Hybrid 2012, ekinn 43000 km. Einn eigandi. Nýtt í bremsum. Verð 1...
Volvo XC60
Á götuna 4/2015 ekinn 32.000 km. Tvílitt leður, brúnn metalic. Tvöf. dekkjagangu...
Hreinsa þakrennur ryðbletta þök
Hreinsa þakrennur ryðbletta þök og tek að mér ýmis smærri verkefni. Uppl. í síma...
 
Framhald uppboðs
Nauðungarsala
Uppboð Einnig birt á www.naudungarsolu...
Framhald
Nauðungarsala
Uppboð Einnig birt á www.naudungarsolu...
Deiliskipulag
Tilkynningar
Rangárþing ytra Auglýsing um skipula...
Félagsstarf aldraða
Staður og stund
Árskógum 4 Félagsstarfið er með opið í s...