Fimm í haldi vegna árásar á Malí

Mynd úr safni. Hermenn við Radisson Blu hótelið í Bamako ...
Mynd úr safni. Hermenn við Radisson Blu hótelið í Bamako nokkrum dögum eftir árás íslamista þar sem 20 manns létust. AFP

Lögreglan í Malí skaut fjóra vopnaða vígamenn og hneppti fimm í varðhald eftir árás þeirra á vin­sæl­an ferðamannastað nálægt Bamako, höfuðborg Afr­íku­rík­isins, í gærdag. Í árásinni létust tveir borgarar og lögreglan náði að leysa 36 úr gíslingu. Flestir gíslanna voru franskir og malískir borgarar. 

Frétt mbl.is: Tveir látn­ir í árás á ferðamannastað

Árás­ar­menn­irn­ir eru sagðir hafa hrópað „Alla­hu Ak­b­ar“, eða „Guð er mest­ur“ áður en þeir létu til skar­ar skríða. Skot­markið var ferðamannastaður­inn Kangaba Le Cam­pement, sem er skammt frá Bama­ko. Staður­inn er vin­sæll meðal vest­rænna ferðamanna. Enginn öfgahópur hefur lýst árásinni á hendur sér. 

Íbúi í nágrenni svæðisins gerði lögreglunni viðvart er hann heyrði byssuskot og reyk stíga upp til himins. Eldur logaði í að minnsta kosti einni byggingu. 

Annar íbúi sagðist hafa séð vopnaðan mann á mótorhjóli keyra að svæðinu og hefja skotárás. Skömmu síðar hafi komið tveir til þrír menn til viðbótar á bifreið. Þetta kom fram í viðtali við sjónarvottinn á sjónvarpsstöðinni ORTM. 

Salif Tra­ore, ráðherra ör­ygg­is­mála í land­inu, seg­ir að vopnaðir íslam­ist­ar beri ábyrgð á ódæðinu. Örygg­is­sveit­ar­menn­irn­ir nutu stuðnings friðargæsluliða Sam­einuðu þjóðanna og franskra sér­sveit­ar­manna í land­inu í aðgerðunum.

Árásir íslamista á her og stjórnvöld landsins hafa verið tíðar í norðurhluta og á miðju landinu um árabil en árásir þeirra á almenna borgara í og við höfuðborgina eru mun fátíðari. Svipuð árás átti sér stað fyr­ir tveim­ur árum, en þá réðust vopnaðir menn á glæsi­hót­el í Bama­ko þar sem 20 manns létust. Eftir það hafa yfirvöld hækkað viðbúnaðarstig í landinu. 

mbl.is

Frá Sýrlandi til Evrópu - Greinaflokkur

Óska eftir tilboði -7 sæta Peugeot 807
Til sölu ágætur Peugot 807 2,0 7 sæta, sjsk strumpari. Hann er skoðaður 2018, ...
Bílskúr til leigu í Vesturbænum
Upphitaður 24,5 fm bílskúr til leigu í Vesturbænum. Leigusamningur að lágmarki ...
Antík sófi, 100 ára, 100% eintak
Sófinn er óaðfinnanlegur í útliti. Mesta lengd : 130 cm Mesta dýpt : 64 c...
Kolaportið alltaf gott veður !
Góða veðrið og góða skapið er í KOLAPORTINU!...
 
Félagsstarf
Staður og stund
Árskógar Hádegismatur, mexíkanskur hakkr...
Vélavörður
Sjávarútvegur
Vélavörður Vísir hf. óskar ef...
Framhald uppboðs
Nauðungarsala
Uppboð Einnig birt á www.naudungarsolu...
Félagsstarf
Staður og stund
Árskógar Opin smíðastofa kl. 9-15. Opið ...