Yfirvöld í Rússlandi fordæma að bandarísk herþota hafi skotið niður sýrlenska herflugvél sem bandarísk stjórnvöld sökuðu um að hafa gert árás á bandamenn þeirra.
Fullyrt var að herflugvélin hefði látið sprengjur falla á bandamenn Bandaríkjanna í stríðinu í Sýrlandi þar sem þeir börðust gegn hermönnum Ríkis íslams. Sergei Ryabkv, staðgengill utanríkisráðherra Rússlands, sér málið hins vegar öðrum augum.
„Það verður að horfa á þessa árás sem framhald af þeirri stefnu Bandaríkjanna að hunsa venjur og alþjóðalög,“ sagði Sergei við rússneska fjölmiðla. „Hvað er þetta annað en árás?“
„Þetta hjálpar hryðjuverkamönnunum sem Bandaríkin berjast gegn en samt er því lýst yfir að þetta sé gert til að sporna gegn hryðjuverkum,“ sagði Ryabkov enn fremur.