Sanngjarn samningur mögulegur

Michel Barnier.
Michel Barnier. AFP

Bretland og Evrópusambandið hafa komist að samkomulagi um forgangsmál formlegra viðræðna þeirra um útgöngu Breta úr Evrópusambandinu og tímaramma. Þetta er haft eftir Michel Barnier, aðalsamningamanns sambandsins, í frétt AFP.

Fyrsti fundur viðræðna Bretlands og Evrópusambandsins fór fram í dag. „Fyrsti fundurinn var gagnlegur, við hefjum viðræðurnar á góðum nótum samhliða því sem klukkan tifar,“ sagði Barnier á blaðamannafundi í Brussel í Belgíu eftir viðræðufundinn en með honum var breski ráðherrann David Davis sem fer með útgöngumálin í ríkisstjórn Bretlands.

„Við komum okkur saman um sagsetningar í dag, við samþykktum fyrirkomulagið [á viðræðunum] og við samþykktum forgangsmál viðræðnanna,“ sagði Barnier ennfremur. Samið var um að fjóra viðræðufundi næstu fjóra mánuði. Næsti fundur verður 17. júlí.

Barnier sagði ennfremur að stefnt væri að því að komast að samkomulegi um „meginatriði helstu árskorana“ útgöngu Bretlands úr Evrópusambandinu eins og fljótt og auðið væri. Þar á meðal hvað Bretar greiddu til sambandsins vegna útgöngunnar, réttindi borgara þess í Bretlandi og framtíð Norður-Írlands.

Markmiðið væri að ná nægjanlegum árangri til þess að leiðtogar ríkja Evrópusambandsins gætu samþykkt að hefja viðræður um framtíðartengsl Bretlands og sambandsins. Þar með talið viðskiptasamning. „Sanngjarn samningur er mögulegur og miklu betri kostur en enginn samningur.“

Bresk stjórnvöld hafa með þessu samþykkt fyrirkomulag Evrópusambandsins samkvæmt frétt AFP en sambandið lagði áherslu á að rætt yrði fyrst um fyrirkomulag úrsagnar Bretlands áður en rætt yrði um framtíðartengslin. Bretar vildi á hinn bóginn að málin yrðu rædd samhliða.

mbl.is

Skoðanakannanir

[ Nánar | Allar kannanir í CSV-skrá ]

Frá Sýrlandi til Evrópu - Greinaflokkur

HARMONIKKUHURÐIR SPARA MIKIÐ PLÁSS
Margar gerðir, smíðaðar eftir máli. Verð frá kr. 13.900,- Sími 848 3215 www.byg...
Sumarhús – Gestahús – Breytingar O?Fram
Sumarhús - Gestahús - Breytingar ? Framleiðum stórglæsileg sumarhús í ýmsum stær...
Stórkostlegar Nuddoliur komnar tilboð 2000 kr flaskan, 6 mismunandi tegundir
Stórkostlegar Nuddoliur komnar tilboð 2000 kr flaskan, 6 mismunandi tegundir ...
Renault Megan Classic 2008
Renault Megane 20007 - beinskiptur bensínbíll, ekinn um 96.000 km, vel við haldi...
 
Eldri borgarar
Staður og stund
Aflagrandi 40 Það er opin vinnustofa hjá...
Sölumaður / kona
Iðnaðarmenn
Sölumaður / kona óskast til að annas...
Félagsstarf aldraðra
Staður og stund
Aflagrandi 40 Dagurinn byrjar á opinni v...
L edda 6017101719 iii
Félagsstarf
? EDDA 6017101719 III Mynd af auglýsi...