Þrátt fyrir að ekki sé komin formleg niðurstaða í hvernig staðið verður að útgöngu Bretlands úr Evrópusambandinu hefur umsóknum Breta um franskan ríkisborgararétt fjölgað verulega. Á síðasta fjölgaði umsóknunum um 254%.
Samkvæmt frétt le Monde sóttu 385 Bretar um franskan ríkisborgararétt árið 2015 en í fyrra voru þeir 1.363 talsins. En miðað við hversu margir Bretar eru búsettir í Frakklandi er talan ekki há því talið er að á milli 150-200 þúsund Bretar búi í Frakklandi.
Ekki hafa verið birtar tölur um hversu margar umsóknirnar eru í ár en talið er að þeim eigi eftir að fjölga eftir því sem nær dregur útgöngu Breta úr ESB.
„Börnin mín eru öll fædd í Frakklandi og hafa búið hér allt sitt líf,“ segir Nick Wood í samtali við The Local.
„Ég get ekki hætt á að þau verði rekin frá eina heimilinu sem þau þekkja vegna þess að þau eru breskir ríkisborgarar og Bretar eru ekki lengur hluti af ESB,“ segir Wood.