Drottningin minntist ekkert á Trump
Setja bókamerki
Elísabet Englandsdrottning minntist ekkert á heimsókn Donald Trump, forseta Bandaríkjanna, þegar hún ávarpaði breska þingið í morgun. Vekur það upp spurningar hvort Trump muni yfir höfuð heimsækja Bretland á næstunni.
Það er viðtekin venja að drottningin telji upp næstu heimsóknir þjóðhöfðingja ríka, en eina heimsóknin sem hún minntist á var væntanleg heimsókn Spánarkonungs í júlí.
Nýlega voru voru sagðar af því fréttir að Trump vildi ekki heimsækja Bretland vegna andstöðu almennings. Hann vildi ekki heimsækja landið nema honum þætti hann velkominn, en 1,8 milljónir manna skrifuðu undir áskorun um að draga heimsóknarboð hans til baka.
Breskir fjölmiðlar vilja nú meina að heimsóknin sé í hættu. Talsmaður Theresu May forsætisráðherra fullyrðir hins vegar að drottningin hafi ekki minnst á heimsókn Trump í ræðu sinni vegna þess að dagsetningin hafi ekki verið ákveðin.
Segjast ekki vera á kaldri slóð
Spursmál: Fyrsta stóra viðtal Katrínar
Hæstiréttur staðfestir vanhæfi alls Landsréttar
Almannavarnir hækka viðbúnað
Gerir ráð fyrir 150 samningum í næstu viku
Hyggjast leyfa fólki að skoða gosið
Ný staða uppi og óvissan meiri