Filippus drottningarmaður hefur verið lagður inn á sjúkrahús vegna sýkingar. Í tilkynningu frá Buckingham-höll  kemur fram að sýkingin hafi komið upp vegna fyrri veikinda.

Filippus, sem er 96 ára, ætlar að láta af opinberum skyldum sínum síðar á þessu ári.

Hann var lagður inn á King Edward VII-sjúkrahúsið í London í nótt.

Filippus átti að taka þátt í athöfnum við breska þingið og kappreiðum í Royal Ascot en missir af þeim.

Í stað hans mun Karl Bretaprins, elsti sonur Elísabetar Englandsdrottningar og Filippusar, fylgja móður sinni í þinghúsið, þar sem drottningin mun halda sína árlegu opnunarræðu.

Filippus og Elísabet Englandsdrottning. AFP

Tengdar fréttir

Kóngafólk í fjölmiðlum

Í fyrstu heimsókn eftir krabbameinsgreiningu Katrínar

• Þráir að hitta barnabörnin sín
• Nýgift og eiga von á barni
• Karl opnar Balmoral-kastala og seldist upp strax
• Hvernig á að tala við börn um veikindi

» Fleiri tengdar fréttir

• Blogga um frétt