Donald Trump Bandaríkjaforseti kveðst ekki eiga upptökur af samtali hans og James Comey, fyrrverandi forstjóra bandarísku alríkisþjónustunnar, FBI. Frá þessu greinir AFP-fréttaveitan.
„Eftir allan fréttaflutninginn af rafrænu eftirliti, hlerunum, afhjúpunum og ólögmætum uppljóstrunum, ég hef ekki hugmynd hvort það séu til upptökur af samtölum mínum og James Comey, en ég tók þau allavega ekki upp, og hef engar slíkar upptökur,“ skrifaði Trump á Twitter.
Trump hafði áður gefið til kynna að samtal hans við Comey hefði hugsanlega verið tekið upp. „Það er eins gott fyrir James Comey að það séu ekki til neinar upptökur til af samtölum okkar áður en hann byrjar að leka gögnum til fjölmiðla,“ skrifaði Trump til að mynda á Twitter.
...whether there are "tapes" or recordings of my conversations with James Comey, but I did not make, and do not have, any such recordings.
— Donald J. Trump (@realDonaldTrump) June 22, 2017